[د.عبدالله محمود]

كلمينــي يـارصاصه كلميني وطمنيني
لما كنتى فى قلب إبنى .. إتـوجع ؟!!
طب كان بيبكى !!؟ طب مات جدع ؟!!
طب حس بيكى او اتصرع ؟!!
و انتى داخله بكل قسوه تقتـليه
كنتي عارفه انك رايحه تحرميه
من حياته و من حياتى !!؟
هو كان اطيب ولادى
كان يوماتى يبوس إديا
و يقرا كل اللى فى عنيا
وكان بيقضي حاجاتي ليا
كنت لما يوماتي اصلي
ادعي ليه من كل قلبي
يفضل طول حياتي سندي
و بعد ما اموت يبقالي صدقه
بس عشت & و هو مــاااااااات
عسكري خد عمره سرقه
وساب بموته في قلبي حرقه
يا رصاصه !! هو انتي حالفه تختارى الشباب ؟!!
و بعد موتهم برضه حالفه تسكني
جوه قلب الامهات"!
كلمينى يا رصاصه ! كلميني يا رصاصه !!!
لما كنتي في قلب ابني اتوجع ؟!!
طب كان بيبكي .. طب مات جدع ؟!!