[عاشق الأقمار]

سكرتيرة المدرسة النهارده قالت مفيش زيادة جت للمعلم المساعد اللى لسه عقده لم ينتهى حتى لو كان واخد دبلوم تربوى ودخل دورة التطبيقات التربوية طالما لسه لم يعين. ملوووووش.
أما حضرة المعلم المعين حديثا أو لم يمضى على تعيينه سنتين برضو ملووووش.
أومال مين المعلم المساعد اللى زيادته 425 والمعلم اللى زيادته 400 جنيه يا ست؟
الست بقى تفسيرها ايه: ان المعلم المساعد المتعاقد اللى الوزير يقصده هو اللى شغال معلم مساعد من أكتر من سنتين ولم يحصل حتى الآن على دبلوم تربوى ولم يدخل امتحان الكادر ولا جتى اخد دورة التطبيقات التربوية ومسمى وظيفته معلم مساعد حتى الآن وأخد تقرير كفء فى آخر سنتين ده جت له زيادة البيه الوزير. وكذلك المعلم اللى مضى على تعيينه سنتين وتقريره برضو كفء ده برضو جت له زيادة البيه الوزير.
واللهم لا اعتراض بقول لنفسى نستنى لما الناس تمسك فلوس فى ايدها بخصوص العلاوة دى ونشوف الكلام ده صحيح ولا اجتهاد شخصى من السكرتيرة. اصل احنا بقينا فى زمن كل واحد شغال مفتى.
حد فاهم حاجة؟ عمار يا مصر