[eyes_smile]

المشاركة الأصلية كتبت بواسطة KHALOOOD

يا شيرين انتى عارفه انى مش اقصد حاجه وحشه من كلامى او هزارى
وانا معاكى ان كل حاجه ليها حدود بس انا مش تعديت الحدود دى
وانتى عارفه ان طبعى كدا بهزر مع كل الناس ومع اى حد وبنيه سليمه والله
والمنتدى دا كله اخواتى والله سواء بنت او ولد
ومش شرط اقول دا كله قدام الكل بس فى قلبى والله
وبعدين على فكره واعتقد انك عارفه
انا عندى اخت فى ثانويه زى اللى موجودين
ومن حقى برده اخاف عليها واراعى ربنا فى اللى بعمله مع اى حد ولا ايه ؟
بس للاسف اى بنت تشوف ولد بيكلمها ولا بيهزر معاها او بيعاكسها
بس يبقى الواد دا خلاص اخلاقه زفت والكلام يبقى عليه كتيرررررررررررر

مش معاك فى دى مش اى هزار ولا اى كلام اولا ثالثا المعاكسه بعيد تماما عن اللى قبله المعاكسه حاجه والهزار حاجه تانيه خالص
الهزار هنا كلنا بنهزر مع بعض وعارفين بعض وكلنا اخوات لكن المعاكسه دى بنت لاتعرفها ولا تعرفك وبتعاكسها


والله انا زهقت من الموضوع دا
وعلى فكره مش طبعى خالص انى اغلط فى حد او اتكلم عليه
بس دا اللى حصل

انا عارفه يا خالد انك مش تقصد حاجه من هزارك ده بس هى كمان مش قبلته لانها مش تعرف انك مش تقصد حاجه

وفرضا لو كانت عارفه برده مش قبلته هى حره ده مش يدينها باى شئ

بس فعلا كان المفروض ترد باسلوب احسن بحيث انه مش يشعلل الدنيا بقى ويعمل مشكله من لا شئ
معاك فى دى

هى بس ممكن تكون علشان محترمه ومتدينه (واكيد مش منافقه لانى عارفاها) فبتحاسب اوى على تصرفاتها مع اى حد

واكيد هى كانت بتهزر برده بس هزارها بحدود
ممكن تكون الحدرد دى مش موجوده بالنسبالك مش معنى كده انك مش عندك حدود للهزار لا خالص

بس انت الحدود بتعتك غير اللى فى دماغها .. يعنى انت مثلا ممكن تهزر وتقول لبنت انتى وحشه مثلا
ممكن البنت دى تقبل او ترفض ممكن تعتبر انك كده تعديت الحدود اللى فى دماغها هى مش اللى فى دماغك انت علشان كده انت مشتغرب وبتقول انا مش تعديت حدودى وده طبعا طبقا لشخصيتها هى


اوكى عارفين انك بتهزر مع كل الناس ونيتك سليمه وبدليل فى ناس فعلا هزرت معاها ومش زعلت علشان عارفه اللى جواك

انما هو ممكن تكون معزوه مش تعرفك كمان كل واحد فى مكان هتعرف منين؟ لانت ادامها ولا حتى فى صوت
هتعرف اللى جواك ازاى؟ وكلامك مش كل حاجه ومش كفايه انها تعرفك كويس فبالتالى مش هتقدر تحكم انت جاد فعلا ولا بتهزر هزار تقيل

مش شرط انك تقول الكلام ده ادام الكل بس على الاقل توضحه بصورة او باخرى مش مهم المهم توصل للناس ده
علشان محدش يفهمك غلط

بصراحه يا خالد من ناجية الهزار انا كمان عارفاك كويس

ممكن تكون تقلت فى الهزار شويه بس هى قالت ده مش هينفع ولازم يقف عند حده ( ده بالنسالها طبعا)
فى بنات تانيه قبلته
مش غلطانه على فكره انا معاها جدا هى اعترضت على طريقة الكلام مش اكتر واعترضت على جزء معين كمان
يعنى بتقبل الهزاربرده وكمان بدليل انها كانت بتهزر مع الكل عادى

هى بس انتقدت كلامك مش اكتر

بس الغلط اللى هى عملته انها كان المفروض تنسحب بطريقه الطف من كده شويه تعرفك غلطك لو كنت غلطان وتحسسك بيه بدون ماحد يعرف اى شئ علشان المشكله مش تكبر كده

انا بحط نفسى مكانها ولو حد قال كلمة تضايق ( او ضايقتنى انا بس الباقى اخدها عادى)

ممكن ارد عليه باسلوب يعرفه انى متضايقه من الكلام وبالهزار على فكره برده وبعدين اروح على ابسط حاجه الرسايل الخاصه اقول لفلان انت عملت كذا وكذا وانا مش بحب التصرف ده
وبالاقناع مش بالخناق لحد ما يعترف انه غلطان وساعتها هيروح يصلحه واظن الرسايل الخاصه دى مش فيها حاجه دى زيها زى المواضيع والردود بالظبط ومش قلت برده اننا هنطول فى الكلام بقى وكده لا هم كلمتين ورد غطاهم


واحط نفسى مكانك برده ياخالد

لو حد زعلان منى هحاول اعرف ايه الغلط اللى عملته ده لو اقتنعت فعلا انه غلط هتاسف لكن لو مش اقتنعت وده اللى انت بتعمله دلوقتى هحاول بطريقه تانيه اصلح الموضوع مش مهم بقى اقتنع ولا لاء المهم اللى زعلان ده يقول خلاص مفيش مشكله والموضوع يتحل لكن افضل اقول لا مش غلطانه والتانى يقول لا غلطانه يبقى الموضوع هيكبر ومش هخلص فالموضوع المفروض يتصلح باقصر الطرق

وكمان فى حاجه حل الموضوع ده انه مثلا متاكد انى غلطانه وانا مش مقتنعه

يبقى خلاص هسلم واقول انا غلطانه وخلاص وبعدها مش اتكلم ولا اوجهله اى كلام فى اى موضوع وابعد خالص ولو صادفت انى رديت فى موضوع يبقى الرد عام بدون ذكر اسماء

هتعمل ايه طالما ده هيريح ؟

انا مش هتكلم فى التدين والدين وكدهلانى بصارحه بخاف اغلط وانا مش هفتى يعنى

بس كل اللى اعرفه ان التدين لازم يكون بعيد عن النفاق ودى حاجه بين الانسان وربه محدش ليه انه يتدخل فيها ولا يحكم عليا لو كنت بتصرفاتى متدينه ولا لاء


معلش طولت عليك بس يارب تكون فهمتنى