اقتباس:
المشاركة الأصلية كتبت بواسطة shahnda khaled
بص وبعدين بصراحة انا كل اما اجي اقول هموت نفسي من المذاكرة الكام شهر دول
ارجع اقول يعني انا هبقي زيي زي اللي بتذاكر من اول يوم  |
لا انتي جيتي في لعبتي بقي. انا والله السنة اللي فاتت دي مذاكرتش رياضة ١ الا يومين بالظبط فانا جيت من الامتحان اللي قبل الجبر نمت وذاكرت ٦ ساعات في اليوم ده وكان اليوم اللي بعده اجازة عندي فذاكرت اليوم كله وسهرت بالليل كمان ودخلت الامتحان وجبت الحمد لله النهاية وعلي فكرة الامتحان كان طين وصعب . بس الحكاية كلها ان انا كنت بروح الدرس وبكتب ورا الاستاذ وخلاص وفهم قليل جدا ومذاكرتش خالص الا اليومين دول بس دعيت ربنا وذاكرت بتركيز وشوفت الامثلة اللي كان كاتبها الاستاذ لنا وحليت امتحانات علي طول تقريبا ١٠ امتحانات بتوع المعاصر مع اني مفتحتش المعاصر ده خالص . الحكاية كلها تركيز بس حتي لو يوم واحد يساوي عشرة بدون ضمير . ووالله لو توكلتي علي ربنا ودعتيه هيحقق لكي كل خير بس اعملي اللي عليكي وحطي في بالك ان الوضع اللي انتي فيه ده خير ليكي يعني مثلا لو كنت واظبتي علي المذاكرة من بداية السنة ممكن لقدر الله تيجي في شهر ٥ أهم شهر وتزهقي ومتعرفيش تراجعي اللي عمالة تذاكري فيه طول السنة وبعدين تاني حاجة ملكيش دعوة خالص بأي حد حتي لو كان مين لان انتي متعرفيش حقيقته والله احنا عندنا ناس بتروح دروس في كل المواد ودرسين في كل المواد وفي واحد عندنا برده يقعد في الدرس يجاوب علي كل اسئلة الاستاذ ودرجاته في النهاية عادية ومش من الاوائل انا صراحة مش عارف ليه .من الاخر توكلي علي ربنا وملكيش دعوة بحد . صدعت دماغك عارف !!