اقتباس:
المشاركة الأصلية كتبت بواسطة chalijaly
يا دكتورة..لما خلصتى منهج الفيزياء والاحياء على شهر 4
راجعتيهم كام مرة قبل الامتحان ؟؟ انا يا دوبق هراجعهم مرتين اونلى 
ومراجعه حاف ولا بأسئلة ؟؟
|
بص هى اول مراجعة دى اهم حاجة لأنها اللى بتثبت عايزينكو تظبطوها كويس
الفيزياء لأنها كانت عندى طويلة 15 فصل فكنت بمشي بنظام الوحدات الاكثر الأهمية يعنى مثلا زى ارشميدس والكرهبية كنت براجعهم واحل عليهم كتير وطبعا مع الكشكول اللى كان فيه الاسئلة المهمة ورا المدرس مرة فى مرة هتلاقيها بقت ف دماغك الوحدات اللى زى الموجة والحديثة دول راجعت مع بعض بردوو بس مش كتير اوى زى الباقي نظرا لضيق الوقت
الحرارة عايزة الفصل السادس والسابع يتحل عليهم كتير وبالزات السابع لأنو كان ملخبط اوى ف مسائلو
الثامن ده سهل كلو حفظ وتقريبا مش درجاتو كتير ف الامتحان بس انتو بقا عندكو بتاخدو نص المنهج فغصب عنكو لازم تراجعوه كتير وتحلو عليه كتير وعلا فكرة طالما هما كهربية وحديثة بس فاحتمال يلعبلكو ف الامتحان شوية بس طالما انت فاهم كل جزئية فهم كويس وطبقت كويس وحليت وعرفت نظام الاسئلة يبقا ان شاء الله تطمن بس لازم كمان اسئلة التعليلات او الوحدات المكافئة والاسئلة النظرية دى بيتلعب فيها اكتر من المسائل لأن المسائل عامة بتكون مباشرة انما الاسئلة اللى عايزة كتابة دى محتاجاك فاهم جدا وحافظ كل حاجة
انا كنت عملت ورقة السنة اللى فاتت وجمعت فيها كل وحدات المنهج والوحدات المكافئة وكنت بألف وحدات مكافئة من دماغي كمان كانت ورقة مية مية لامة كل ال15 فصل بس جت قبل الامتحان وضاعت منى
لكن عشان انا تعبت فيها وزكرتها مرة ربنا وفقنى وعرفت احل سؤال الوحدات اللى كان رخم ف الامتحان ده
فانتو علا اد تعبكو ربنا هيديكو
الأحياء بقا عايزة مراجعة كتيييييييييييييييييييييييييييييييييييييييييييير عشان تثبببت لازم توصل لمرحلة انك تقفل الكتاب كده وتسمع لنفسك الشباتر كلها ورا بعض
بس مش كلها كلها يعنى ممكن تبص بصة كده خلسة
الاحياء عايزة دشششش وحل اسئلة كتير بس هى مخففة بردو عليكو
يلا ربنا معاكو