اقتباس:
المشاركة الأصلية كتبت بواسطة LOuly K.
إزيكم؟ حد فاكرني؟
انا مشيت من هنا وقولتلكم اني هأجل السنه وهتعالج عند دكتور نفسي
ومبقتش ولا اشوف حد ولا أكلم حد ..
متستغربوش انا من زمان وعندي حساسيه مفرطه وادي النتيجه
بتصعب عليا نفسي لما افتكر اني طول عمري واحده متفوقه وكل المدرسين كانوا واثقين
ان محدش يقدر يقف قصادي وكان هدفي " طب "
لكن انا دلوقتي حاسه اني بني ادمه ضعييييفه جدا مستاهلش حتي الكليه دي
بس برجع واقول يمكن ده غصب عني .. وعلاج الدكتور النفسي بيهديني بس!
انا بقي عندي فوبيا من الكتب .. أشوفها أعيط
اسمع سيره المذاكره انهار
وكل لما اقول لا هلحق نفسي واذاكر بقول يستحيل اجيب طب بالمنظر ده
الكليه دي عاوزة ناس عندهم ثبات انفعالي وانا خلاص تعبت والله العظيم تلاته
وكل لما اقول خلاص مش مشكله السنه دي برتاح اني مش هشوف الكتب تاني
انا بقالي شهرين مش بذاكر حاجه ولا بروح دروس وعلي نفس النظام وكنت فاكره
اني لما هبعد عن الكتب هخف زي ما دكتوره مياده قالتلي بس انا زي ما انا
مش قادره اتخيل اني السنه الجايه ممكن ابقي في فصل لوحدي
مش معايا حد من صحابي
دروس لوحدي .. هذاكر من تاني!!
كل صحابي هيبقوا في اولي جامعه وانا لسه بعيد..
مقدرش اتخيل فكره اني انزل من القمة للقاع
مش عارفه اتصور اني هبقي اكبر من البنات اللي انا معاهم بسنه
وهضيع سنه من عمري..
بس انا مش لاقيه حل مش لااااااااااااااااااقيه حل
اعمل ايه! انا يأست من الحياه ومن الدنيا ومن كل حاجه
بس عندي امل في ربنا .. لكن معقول ربنا هيساويني بواحده ذاكرت ومضيعتش ولا دقيقه؟
فاضل 3 شهور .. ومعايا اليأس والإحباط وقله الثقه في النفس والمرض النفسي
هل ياتري انا كده مفتقده لعامل الوقت؟! ولا ممكن اعمل حاجه؟
انا عارفه ان انا الوحيده اللي هقدر اجاوب علي السؤال ده ..
لكن انا حتي مش عارفه احدد ..
قدراتي نزلت جدااااااااااااااااااااااااااااااااااااااااااااا ومش بعرف احفظ اي حاجه
بالإضافه للكيميا العضويه زمايلي خلصوها وانا لسه مذاكرتش فيها حاجه غير درس
واكيد إتنسي!! ده غير باقي المواد طبعا ..
ولا حليت فيزيا ولا كيميا ولا الهوااااااااااا والعربي في الضياع ..
ماما بتقولي ذاكرتي حلو او وحش مش هتقدري تغيري قدر ربنا ..
هو اكيد صحيح ربنا كاتبلي رزقي.. بس خايفه اندم ..
إني دمرت حياتي بإيدي وضيعت حلمي ..
اللهم اني لا أسألك رد القضاء ولكني اسألك اللطف فيه..
دوشتكم يا جماعه بس صحابي مش موافقين ع القرار وزعلانين مني
فقولت اشوف رأيكم يمكن تكونوا اخر امل ليا .. واهلي مش ممانعين اي حاجه ..
|
والله ي بنتى اناا شايلة همك من ساعة اخر مرة اتكلمتى فيها ورديت عليكى بس انتى تقريبا مشفتيش الرد
ممممممممممممم مش عارفة بس ليه انت عاملة ف نفسك كده
دلوقتى يعنى انت فعلا رحتى لدكتور ؟ طب عايزة اعرف هو قالك ايه بالظبط؟ عشان بناء علا كلامه انا هقولك رأيي
انتى تقريبا كده اتحسدتى
والله اعلك وربنا يسامحه اللي حسدك
بس والله انا كنت بتنش كل عين وعين السنة اللي فاتت لما قلت بس
وهو ده اللى خلانى اقعد م الدروس ف اخر شهرين
لكن انا كنت برقي نفسي والله مكنتش بستني حد يرقينى
شوفي الرقية الشرعية من عالنت ونفذيها
ممممممممممم عارفة انا كنت وصلت لمرحلتك دى السنة اللى فاتت بس الفرق انى قلت هدخل الامتحان وهعمل اللي عليا ف الشهور اللي باقية واللى ربنا كاتبهولي هشوفو
منتى متعرفيش ايه اللي هيحصل السنة الجاية
يعنى هو انتى ضامنة انك لو أجلتى هتدخلي طب
!! ؟؟ جاوبينى بقا .
تفتكري لو حد كان هاري نفسو مزاكرة من اول السنة وربنا مش كاتبله يدخل كلية معينة مع انو متفوق ومقطع الكتب وحافظ المناهج زى اسمو تفتكرى ده هيدخل الكلية دى !!!!
يابنتى كل واحد ليه كتاب معين عند ربنا الكتاب ده مكتوب فيه هيعيش اد ايه وهيموت امتا وهيعمل ايه ف حياته هيبقا صالح ولا طالح هيشتغل ايه هيدخل كلية ايه هيحصللو ايه هيموت ازاى و و و .. ما اصل احنا مش عايشين عالدنيا مخيرين احنا عايشين عالدنيا دى مُسيَرين !
عارفة انتى ناقصك ايه ؟ مش مزاكرة ولا ثقة بالنفس ولا جرأة ولا اى لام من ده
انتى ناقصك بس شوية ايمان بربنا ! عارفة لو قربتى من ربنا اوى هتحسي ان كل اللى بتعمليه ف نفسك ده هبلللل ولا ليه اى تلاتين لازمة !
عارفة .... السنة اللى فاتت كان ليا زميلة البنت دى كنا بنحبها اوى وكانت طيبة ومجتهدة جدا ا هى كانت في علمى رياضة وكانت جايبة مجموع كويس جدا ف تانية وفي تالتة كانت بتزاكر جامد من اول السنة وكلنا كنا متوقعينلها تجيب مجموع كبير
عارفة البنت دى ايه اللى حصللها ؟؟ كانت بتزاكر لحد اخر لحظة ..... لكن ربنا ما أرادلهاش انها حتى تدخل الإمتحان ...
عارفة ليه ؟؟؟
لأن البنت دى قبل الامتحانات باسبوع واحد بس !! .... ماتت !!
ماتت كده !! فجأة وبدون أى سابق تعب !!
الله يرحمها ...
تخيلي البنت دى لو كانت عارفة انها هتموت ومش هتدخل حتى الامتحانات ! ... كان زمانها مزاكرتش اصلا ولا تعبت نفسها !!
.. لكن دى كانت بتزار ولحد اخر ساعة قبل وفاتها ... ومع ذلك مدخلتش كليات اهى ...
ليا واحدة صاحبتى بردو السنة اللى فاتت كانت مستهترة جدا وكان عندها زى لا مبالااة كده يعنى جات نامت جامد ف تالتة ومكنتش بتزاكر وبتضيع وقت وبتنام كتير و و و ... المهم كلنا كنا متوقعين انها مش هتعمل حاجة
لأنها حتى مكنتش مزاكرة المنهج كويس وهى داخلة الامتحان يوم امتحان الأحياء الصبح كانت بتقول انا هروح الامتحان كده وخلاص وزى ما تيجي تيجي مع انها الاحياء كانت ضايعة معاها شوية مكنتش مزاكراها المزاكرة اللى تخليها تجيب الفاينال
...... لكن عشان ربنا ان كاتبلها انها تجيب الفاينال جابتها
!! ودخلت كلية طب !!! كانت بتقول لو دخلت صيدلة او حتى بيطري يبقا كرم من ربنا
... لن شفتى بقا هى مكتوبلها كده يبقا لازم يحصل !!
وليا بنات زمايلي كتير والله العظيم كانو بيزاكرو اكتر منى بمرااااااااااااااااااحل وتعبين نفسهم وعينهم دى كانت وارمة وتحتها سواد وخسوا النص من كتر المزاكرة بس سبحان الله مجابوش غير مجموع صيدلة وبالعافية !!
ومع انى كنت اقل منهم بكتير وفعلا والله اكتئأبت جدااااااا ف اول شهر 4 ده وكانت الدنيا كلها سودا ف وشي كل مااروح الدروس واشوفهم بيجاوبوا ازاى وانا مش عارفة حاجة واقول يعنى انا هتساوى بيهم دول بيزاكرو من اول السنة وبتاع ! لكن بردو ربنا اشاء انى اطلع الأولى عليهم كلهم وعلا الإدارة كمان !!
فالحكاية مش حاية مزاكرة ! الحكاية حكاية ايمان بالله وثقة في قدره وإرادته !
انتى لو مكتوبلك تدخلي طب هتدخلي غصب عن اتخن تخين ف البلد
ولو مش مكتوبلك مهما عملتى لو قعدتى تأجلي عشر سنين بررردو مش هتدخلي !!!!
مش عارفة اقولك ايه بس بعد كل الكلام ده ! يارب تكون رسالتى وصلتلك