[QUOTE=LOuly K.;5740409]
إزيكم؟ حد فاكرني؟
انا مشيت من هنا وقولتلكم اني هأجل السنه وهتعالج عند دكتور نفسي
ومبقتش ولا اشوف حد ولا أكلم حد ..
متستغربوش انا من زمان وعندي حساسيه مفرطه وادي النتيجه
بتصعب عليا نفسي لما افتكر اني طول عمري واحده متفوقه وكل المدرسين كانوا واثقين
ان محدش يقدر يقف قصادي وكان هدفي " طب "
لكن انا دلوقتي حاسه اني بني ادمه ضعييييفه جدا مستاهلش حتي الكليه دي
بس برجع واقول يمكن ده غصب عني .. وعلاج الدكتور النفسي بيهديني بس!
انا بقي عندي فوبيا من الكتب .. أشوفها أعيط
اسمع سيره المذاكره انهار
وكل لما اقول لا هلحق نفسي واذاكر بقول يستحيل اجيب طب بالمنظر ده
الكليه دي عاوزة ناس عندهم ثبات انفعالي وانا خلاص تعبت والله العظيم تلاته
وكل لما اقول خلاص مش مشكله السنه دي برتاح اني مش هشوف الكتب تاني
انا بقالي شهرين مش بذاكر حاجه ولا بروح دروس وعلي نفس النظام وكنت فاكره
اني لما هبعد عن الكتب هخف زي ما دكتوره مياده قالتلي بس انا زي ما انا
مش قادره اتخيل اني السنه الجايه ممكن ابقي في فصل لوحدي
مش معايا حد من صحابي
دروس لوحدي .. هذاكر من تاني!!
كل صحابي هيبقوا في اولي جامعه وانا لسه بعيد..
مقدرش اتخيل فكره اني انزل من القمة للقاع
مش عارفه اتصور اني هبقي اكبر من البنات اللي انا معاهم بسنه
وهضيع سنه من عمري..
بس انا مش لاقيه حل مش لااااااااااااااااااقيه حل
اعمل ايه! انا يأست من الحياه ومن الدنيا ومن كل حاجه
بس عندي امل في ربنا .. لكن معقول ربنا هيساويني بواحده ذاكرت ومضيعتش ولا دقيقه؟
فاضل 3 شهور .. ومعايا اليأس والإحباط وقله الثقه في النفس والمرض النفسي
هل ياتري انا كده مفتقده لعامل الوقت؟! ولا ممكن اعمل حاجه؟
انا عارفه ان انا الوحيده اللي هقدر اجاوب علي السؤال ده ..
لكن انا حتي مش عارفه احدد ..
قدراتي نزلت جدااااااااااااااااااااااااااااااااااااااااااااا ومش بعرف احفظ اي حاجه
بالإضافه للكيميا العضويه زمايلي خلصوها وانا لسه مذاكرتش فيها حاجه غير درس
واكيد إتنسي!! ده غير باقي المواد طبعا ..
ولا حليت فيزيا ولا كيميا ولا الهوااااااااااا والعربي في الضياع ..
ماما بتقولي ذاكرتي حلو او وحش مش هتقدري تغيري قدر ربنا ..
هو اكيد صحيح ربنا كاتبلي رزقي.. بس خايفه اندم ..
إني دمرت حياتي بإيدي وضيعت حلمي ..
اللهم اني لا أسألك رد القضاء ولكني اسألك اللطف فيه..
دوشتكم يا جماعه بس صحابي مش موافقين ع القرار وزعلانين مني
فقولت اشوف رأيكم يمكن تكونوا اخر امل ليا .. واهلي مش ممانعين اي حاجه ..
[/QU
امممممم معلش اسمحيلي ارد عليكي
والله اللي انتي بتعمليه في نفسك دوت ىغلط وحررررررررررررررررررررام كمان اه
عارفة ليه لانك وربنا لو فتحتي المناهج دلوقت بضمير ومذاكرة بجد هتجيبي وهتدخلي يا بنتي دا ربنا بيقول "انا عند ظن عبدي بي فليظن بي ماشاء "وربنا بيقول ع عبده المؤمن "انا اكره مساءته "
اعتبري ان اللي حصل مشكلة عادية زي مشكلة بتحصل لاي حد وتخطاها عااااااااااادي يعني
بنت المس هيا دلوقت مخلصة صيدلة
عملت عملية في تانية ثانوي تمام من اول السنة لاخرها نايمة في السرير .....وبتاكل ع السرير وبتذاكر كمان ع السرير ..شوفي بقي تخيلي حياة واحد ع السرير ..اكيد 3 ارباعها نوم وكانت عملية ربنا يعافينا ييارب يابنتي تعبااااااها جدا تخيلي جابت 98 شوفتي بقي ؟؟؟وفي تالتة اللي راحتها كلها ونزلت وذاكرت من الاول وبتاع جابت 96 قامت دخلت صيدلة بصي اللي بيبقي عاوز حاجه بيعملها ادام فيه اصرار وان شاء الله خير قربي من ربنا زي ما الدكتورة ميادة قالتلك واسمعي الكلام يابنتي متحرميش مامتك من الفرحة ابوس ايدك
