ربنا يوفقنا و اياكم
اولا اولى ذكرياتي في ثانوي اني مكنتش بقعد على منتدي الثانوية كتير
احياانا يعني
ثانيا الثانوي فترة كويسة جدا في العمر لانها بتحدد حياتنا و بصراحة اللي بياخد قيمة بعد ثانوي بتفضل معاه طول عمره سواء طب او هندسة او كلية عسكككرية هيفضل ذو قيمة طول عمره حتى قبل ما يدخل الكلية و صحابه و كل الناس هتحترمه احترام عميق جدا يخلق منه ان شاء الله انسان جديد احسن
ثالثا لازم نشتغل على افكارنا الامل و التفاؤل المشاركة دي فيها كلام مفيد
http://www.thanwya.com/vb/showpost.p...95&postcount=5 و كان السؤال عن الحفظ و النوم الكتير و كدة الافكار و التفاؤل و اليقين الجازم المطلق الي مفيهوش شك ان ان شاء الله الخير جاي و الحلم هيتحقق ان شاء الله اهم من المذاكرة بحد ذاتها
رابعا لازم نذاكر طول الوقت طول الوقت و ننظم الوقت و الله انا اعرف اصحاب ليا زي الساعة في الكلية و متفوقين و من الاوائل كل حاجة بمعادها النوم الاكل المذاكرة دة المناخ المناسب لنمو كائن النجاح
خامسا اول باول و نفتكر كلام الخليفة الراشد عمر ابن عبد العزيز "اذا كان اعياني عمل يوم واحد فكيف اذا اجتمع على عمل يومين" المذاكرة اول باول مهمة و فرصة حلوة اوي امتى هتيجي الفرصة اني اذاكر حصتين او 3 في يوم كامل الفرصة الجاية مش اقل من 6 محاضرات في اليوم و على رأي دكتور عندنا الحاجة اول مرة و في يومها "بتبقى جاذبة للانتباه" و ان شاء الله تنظيم اليوم يساعد على كدة بعون الله
سادسا كل مادة على حدة
1 العربي : الاحسن حفظه بالنص او شبيه بالنص و نشوف الكلمات المميزة في الاجابة اللي لو المصحح شافها هيدينا الصح ان شاء الله على طول و هو مغمض و دة في اغلب الفروع
البلاغة تشغيل دماغ و شوفي الطريقة النموذجية للاجابة عن اي سؤال "كيف وضح الكاتب افكاره . و الجمل بتاعة الكناية و المجاز و كدة نعرفها كويس و العلاقة و خلافه
"النحو" هو حل حل حل + الفكرة الجميلة اللي ربنا بعتهالي في ثانوي اني في شهر 4 بعد ما نخلص النحو و افهمه اقوم جايب المذكرة و انقل كل قاعدة على حدة ببساطة و بشكل مفهوم الخلاصة و مثال واحد او مثالين يبقى المنهج كله في في نص كراسة مثلا تبقى مرجع في المراجعة و يوم الامتحان الفجر اقراها افتكر كل حاجة و كلا الملاحظات و لو في اعرا جديد عليا برضه اكتبه "قيدوا العلم بالكتابة"
الفيزياء : برضه حل بس الفهم الفهم كان ليا واحد صاحبي في ثانوي سالني انت بتفهم الفيزياء ازاي؟ قلتله انا بتعب نفسي في المذاكرة يعني بعد الدرس بروح افضل فاتح الدرس ساعة و نص ولا اكتر مش بحفظ مجرد بتأمل -التعبير دة بتاع واحد صاحبي من الاوائل ع الكلية- بتأمل و بفكر في كل فكرة خدناها النهاردة مهما كانت صعبة مع التفكير الكتير هوصل ان شاء الله لفهم عميق جدا و بعد كدة احفظ و خلي بالك الحفظ اللى احنا مطالبين بيه مجرد اللي موجود في الكنتاب يعني انصح بمذاكرة الحديثة من الكتاب لان الامتحان مش هيخرج عنه ان شاء الله و حل المسائل بكثرة و دليل التقويم اساسي في الفيزياء
الكيمياء برضه ذاكرتها من كتاب المدرسة كنت بقرا الفقرة او كام سطر و اكتب عليهم سؤال ميزة كتاب المدرسة انه مش ناقص و منظم جدا جدا و حليت في الاخر برضه دليل التقويم و كتاب الامتحان مراجعة نهائية بس مش كله
الاحياء برضه من كتاب المدرسة اي نعم متعب شوية بس مش ناقص و حليت دليل التقويم اللي عرفت احله لان في اسئلة غريبة جدا مش مهمة و امتحانات السنين مهمة جدا بس كنت بحفظ الى حد ما باتقان كنت بنسى بس مع المراجعة النهائية مرة و اتنين كنت قبل الامتحانات بعشر ايام ولا 15 يوم حافظ بالنص الحمد لله تفاءلوا و برضه اتعبوا في الفهم و بمعني اخر ابعدوا في المعلومة على قد ما تقدروا و لاحظوا ان البعد في المعلومة محتاج وقت مش 5 دقايق تفكير و ابقى بعدت لا تفكير عميق متقلقش لو قعدت وقت طويل تذاكر في حاجة اهم حاجة تكون فاهمها كلها و محدش فاهم اكتر منك
الانجليزي 1 حل 2 كلمات 3 sense خلى عندك سنس و تامل الجملة كويس هتعرف تحلها ان شاء الله صح
مش عارف معاكم فرنساوي ولا لا بس الفرنساوي حلو و كتبه جميلة احفظوا فيه كلمات كتير و خلوا بالكم من الكلمات اللي شبه بعضها و حلوا الامتحانات اللي فاتت و ان شاء الله يبقى خفيف و حلو و قواعده برضه تتفهم و احسن اختيار الكتاب و لو لقيت حاجة زيادة زودها في الكتاب بس خلى في نوع كتاب واحد بس تذاكر منه عشان تبقى عارف ايه اللي عرفته و ايه اللي عاوز تركز عليه و كدة
علم النفس ماادة الحفظ الفظيع حفظ و نسيان و في المراجعة بتتلم 100% ان شاء الله مادة تقفيل
و خلوا نفسكم طويييل و حببوا نفسكم في القعدة على الكتاب و صاحبوا فقط "المستويات العليا" اي صاحب بيقول كلمة واحدة سلبية ابعد عنه احسنلك و في الاجازة عيشوا مع بعض
و قبل كل دة ربنا حافظ على ركعتين باليل قيام تدعي فيهم ربنا هينفعوك و الله بس واظب عليهم و احب الاعمال الى الله ادومها
و مبروك للدكاترة مقدما