[بنت الأزهـر]

هو حضرتك مدرس في أي مكان؟

عموما بالنسبة لي وزميلاتي انا مش خريجة تربية ومعلمة بالأزهر فقدمت كمعلمة بالأزهر ودفعت 250 جنيه على كل سنة من تاريخ التخرج ولسه الكارنيه مطلعش

ولي زميلة استكترت المبلغ لكن هي خريجة تربية فقدمت كخريجة مش معلمة وبتدفع 135 جنيه على السنة من بداية التخرج

معرفش بقى هل في فرق لما نطلع المعاش بإذن الله انا هاخد زيها ولا ايه؟

المميزت هو المعاش حاليا كل 3 شهور 450 جنيه والمسؤول هناك قال انتم بقى على اما تطلعوا معاش هيكون زاد

المميزات اللي عرفتها: في رحلات عمرة وفي مصايف وفي شقق وأراضي ومشروع تكافل علاجي للأسرة كلها
وبعض المعارض زي معارض بيع الأجهزة الكهربية وغيره بالتقسيط بس معرفش الأسعار ايه وهل هي جائزة لان فيها تعامل مع البنك

في نوادي طبعا وعندنا مدرسة قالت نادي الاسكندرية تحفة وهي عاوزة تشارك مخصوص عشان النادي دا
وبداخل النادي عندنا قاعة أفراح وللمدرس خصم

هذا كل ما اعلم عن منطقة الغربية

بالتوفيق