هتشتي .. هتموت بردان
هتصيف .. هتموت غرقان
هتحج .. هتموت ف عباره
هتشجع .. هتموت ف استاد
هتثور .. هتموت ف ميدان
هتخدم ع الحدود .. هتموت غلبان
هتطلع المحور مع عيالك .. هتموت مسروق
هتقعد في بيتك هيتهد عليك .. هتموت م الجشع...
تشرب مايه .. تموت مسموم
تاكل اكل .. تموت متسرطن
يتنقلك دم .. تموت متلوث
تبقى طفل .. هتموت مغتصب و مرمي من سطح
تبقي شاب .. هتموت بلفافه بانجو
تبقى كهل .. هتموت من مرض مل***هوش عﻻج
تبقى دكتور .. هتموت معدي
تبقى صحفي .. هتموت برصاصه
تبقى عاطل .. هتموت اوفر دوز كميا
البلد الوحيده ال مع نزولك من بطن امك .. بتتكتبلك شهاده (وفاتك) .. مقبره كبيره و دورك جاي جاي .. اي حاجه هتعملها هتموت
|