هو مفيش ولا وزير بيعرف يقول تصريحات ويطلع كل يوم فى وسائل الاعلام غير أبوالنصر ولا إيه؟ ولا ده وزير التصريحات اليومية ولا يمكن وزير إعلام وانا مش واخد بالى؟
وعهد الله لو الوزير ده يشتغل ربع ما بيتكلم ويبطل يصرح كل يوم هنا وهناك كانت وزارتنا دى تبقى وزارة محترمة بجد. يا عم الوزير انت فاهم الوزارة غلط وفاهم المدرسين غلط وفاهم الشغل غلط وفاهم كل حاجة فى أى حاجة غلط. أبوس ايد اللى عينوك وعملوك وزير اشتغل شوية بقى واختفى من وسائل الاعلام وخد شهر اجازة وارتاح وريحنا من تصريحاتك اللى ملهاش اى داعى يا عم محمود وكده كده محدش ها يفتكرك لما تتغير الوزارة وانت عارف كده كويس وعمار يا مصر
|