مبروك .. مبروك .. خليك قاعد انت
مبروك لعمال قطاع الأعمال وعمال غزل المحلة طلعتم رجالة وكلمتكم واحدة علشان كدة الوزير استجاب لكم والمجلس الأعلى للأجور هيطبق عليكم الحد الأدنى وصرفوا لكم الحوافز المتأخرة والكل بيعاملكم باحترام.
مبروك للصيادلة كادر محترم واحتمال يرجعوا التكليف لخريجي صيدلة وكمان مسموح لكم بالعمل في اكثر من مكان لتحسين الدخل.
مبروك للاطباء مرتب محترم .. زيادة حقيقية في الأجور .. تكليف بمجرد التخرج .. واحترام من كافة مؤسسات الدولة.
عزيزي المعلم خليك ساكت .. ايوة سامعك بتقول التعليم ده رسالة واحنا مش منتظرين أجر .. وانا بقولك متنتظرش لانك مش هتاخد ((مش هتاخد أجر طبعا)) طبعا انسى حكاية الحد الأدنى .. اه وانسى التكليف كمان واوعى تطلب تأمين صحي او معاش محترم .. خليك كدة قاعد على جنب .. وافتكر كويس انت معلم.
|