[shahnda khaled]

المشاركة الأصلية كتبت بواسطة Abdalla Ali Hassan

والله انا مش عارف اشكرك ازاى يادكتورة بس استفسار رزل حبتين الكيمياء دية ايةنظامها وينفع تقوليلى ستايل كل مادة يعنى حفظ ولا فهم ولا لاتنين مع بعض والكتب الخارجية اية برضة

اممم بس انا هقلك اللي انا بعملو عسي ان تستفيد برضوا اوك
طبعا انتا مش هتزنق نفسك زيي تمام وكل حتة تتذاكر اول بأول وياريت لو من بعد صلاة الفجر وتبدأ تقلل نومك بالتدريج علشان ع اخر السنة هما 5 ساعات كفاية اوي ههههه انا بنام 12 ساعة
اممم بص بقي الكيميا دي متعة بجد افهمها حتة حتة وحل من الامتحان تمام والدليل وطبعا كتاب المدرسة والمراجعة انا عن نفسي جايبة الاستاذ جامد ومندليف
امممم الاحياء دي حلوة جدا الامتحان شرح والنفيس والاول وكتاب المدرسة دول كفاية جدا جدا
الفيزيا انا بذاكر من مذكرة المستر هيا كافية جدا وهحل الوسام الاحمر تمام
امممم الانجليزي مفتحتوش لسه هههه بص ياسيدي هو بيتلم بسرعة بصراحة سهل متقلقش
الكتب ع حسب يعني لو عايز تلمو كفاية عليه كتاب واحد THE BEST مثلا لو عندك وقت وهتذاكر كويس من الاول زود بس مش كتير برضوا
والدليل طبعا the best مراجعة خرافي فعلا لامم كل حاجه وممكن تجيب توب بس هو صعب متوجعش دماغك بيه
اهم حاجه الكلمات والثروة اللغوية حلو كده .
نيجي بقي للعربي بص متشدش فيه من الاول لان انتا مهما عملت فيه هتحس ان عندك مشكلة برضوا وهيتظبط معاك ع اخر السنة
الفرنساوي ده زفت ههههه مبحبوش بس هو لغة يعني تحفظ كل كلمة في الكتاب merci كافي جدا شرح ومراجعة مع الدليل
الجيولوجيا دي حفظ بحت افضا صم فيها يبني والامتحان كفاية او عليها واحفظ بنص الكتاب
بص بقي
اهم حاجه تنظم وقتك من الاول واوعي تتزنق في الاخر ولا تكسل زيي كده انتا ممكن تلم اه لاقدر الله لو حصل حاجه بس الاعصاب و ... و.... السنة طويلة جدا فاهمني
واقرا ربع قران كده وصلي ركعتين وبوس ايد الحجة كل يوم
والف مبروك انتا الاول ع الثانوية العامة