عرض مشاركة واحدة
  #247  
قديم 16-07-2008, 12:25 AM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
 
تاريخ التسجيل: Jul 2008
المشاركات: 2,160
معدل تقييم المستوى: 19
vampire1188 is on a distinguished road
افتراضي

اقتباس:
المشاركة الأصلية كتبت بواسطة walaa ali مشاهدة المشاركة
[/b]السلام عليكم
انا طالبة فى 3 ثانوى وناوية ادخل الauc ان شاء الله
وكنت عايزة هى بتقبل من كام فى المية ومصاريف طب فيها كام
وشكرا على الموضوع المفيد دا[size=7]

بصي يا ولاء .. بالنسبة للايه يو سي دي قصة كبيرة اوي

بس عشان نمشيها خطوة خطوة

سيادتك بتروحي لمقر الجامعة اللي هوا يعتبر القديم دلوقتي في باب اللوق (شارع محمد محمود) وتخشي من البوابه الرئيسية قدام ماكدونالدز خبط لزق .. طبعا هاتتلاقي الامن واقفلك قوليلهم داخلة اعمل ادميشن لنفسي جوا .. هاتتلاقيه هوا لوحده بيدلك ويقولك روحي لمكتب اسمه الانرول .. ودا في حتة اسمها الهيل هاوس كل دا في المبني الرئيسي

كدا كدا انتي طبيعي هاتتلاقي فيه مكتب كبييييييير جوا كدا دا بتاع تقديم الطلبات والالتحاق وكدا

بس طبعا دي ليها قصة كبيرة تانية .. بيبقوا عايزين طبعا مستندات كتيره

اولاً .. بالنسبة لو كنتي خريجة ثانوية عامة من مدرسة حكومية فدا بيتطلب انك تخشي امتحان اسمه ehcl 100 دا عبارة عن امتحان انجليش ولااااااازم تعديه

اما لو كنتي خريجة مدارس اميريكان فدا يبقي مصلحة لإنك كدا كدا انتي معاكي مواد السات وان والسات تو ومافش مشاكل

بعد كدا بيدوكلي ملف كبييييير كدا .. بتروحي بيه طبعا وتقعدي معا بابا وماما تفضلوا تكتبوا وتملوه لغاية مايدكوا توجعكوا زي ملي الاستمارة بتاعة الثانوية العامة كدا

بعد مابتخلصي الحوار دا بتروحي تقدمي .. وبتستني نتيجة الامتحان بتاع الانجليش اللي قولنا عليه واذا تم انك مريتي بيه .. بتتقبلي طبعا لمعايير خاصة عندهم .. وبيبعتولك جواب القبول بتاعك على عنوانك اللي انتي كتبتبيه في الاستمارة

بعد كدا سيادتك بتروحي بقي عشان تدفعي المصاريف وتسجلي المواد بتاعتك

المصاريف ياستي بتتراوح مابين 70 لـ 75 الف .. دا طبعا على حسب عدد الكريديت اورز اللي انتي بتاخديهم

بعد كدا بالنسبة للكارنيه دا امر مفروغ منه بتجيب وصل الدفع بتاع المصاريف ومعاه صورة ليكي وبتقدميه لمكتب الاي دي (ID office ) وبتيجي في نهاية اليوم غالبا بيبقي على خمسة العصر كدا تستلميه معززة مكرمة

طبعا انا بوصفلك كل الكلام دا على اساس الحرم القديم اللي في باب الوق حاليا

سامحيني بقي لو ماكنتش وفقت في الوصف لان الحرم الجامعي كله اتنقل للقاهرة الجديدة

فماعرفش اي حاجة عنه خالص غير انه شكله جامد يعني

بالنسبة لتخصصات المتاحة هناك فيه كتير .. اعلام وعلوم سياسية وعلوم وهندسة ولغات ومسرح وفنون وما الى ذلك

وبالمناسبة في قسم جديد تم اضافته ودا هايبقي في الكامبس الجديد ان شاء الله اللي هوا قسم البترول دا هايبقي تبع الهندسة

بس دا ماعرفش نظامه ايه

بس مستر ديفيد ارنولد رئيس الجامعة اعلن ان القسم تم انشائه فعلا وهايتم البدأ فيه من اول السيمستر الجي

اه قبل مانسي نظام الفصول الدراسية هناك كما يلي

fall و spring

بيتخللهم في النص winter session و summer session

كل دا انتي اكيد هاتعرفيه لما تروحي هناك وتسألي وتستفسري هاتتلاقي فيه ادفايزروز كتير جدا هناك

بس اللي مهم في دا كله انك تبقي قد مسؤلية الدراسة هناك لإنها مش سهلة

غير ان كللللللها معتدة على التطبيق العملي خاصة قسم الاعلام

البروفيسورز هناك معروفين بحزمهم

وهاتسمعي اسماء كتيره مشهورة امثال حسين امين وكيفين كايين ورشا عبدلله ونائلة والناس دي

فيه حاجة تانية .. الدراسة مش بتبدأ هناك زي الحكومة .. الدراسة بتبدأ من اول 5/9 .. يعني بدري عن الحكومة

عشان كدا لو هاتقدمي هناك يستحسن تلحقي عشان هناك فيه حاجة اسمها تسجيل مواد

تسجيل المواد دا بيبقي بأسبقية الحجز .. ولو راح عليكي يبقي انسي !!

فالحقي نفسك بقي ..

وبرده قبل مانسي .. الجامعة هناك حد ادني للقبول فيها من 70 في الميه

وبالمناسبة برده مافيش قسم طب هناك خاااااااااااالص

مافيش غير الاقسام اللي قولتلك عليها دي بسسسسس

وربنا يوفقكوا جميعا ....