[مادوكا]

المشاركة الأصلية كتبت بواسطة anta omre

بسم الله الرحمن الرحيم
أحب أحيي حضرتك عالموضوع الجميل دا
وعلى القضيه الموفقه اللى أخترتيها
المهم
دلوقتى حضرتك أتكلمتى فمشكله
وعشان نعرف نحل المشكله دى لازم ندرسها كويس ونعرف أسبابها ونتايجها وحلولها

المشكله أو القضيه : الدروس الخصوصيه وتأثيرها على منظومة التعليم والمجتمع
أسبابها : ليها أسباب كتير ممكن ندرجها إلى
1.ناتجه عن منظمة التعليم
وبترجع للمدرسه والاستاذه اللى فيها
دا طبعاً غير إن المنظومه كلها لا تحترم عقول الطلاب
ولا حتى بتزرع فيهم حب المذاكره وبيعقدو الطلاب
فبتخلى الطالب يحتاج إلى من يساعده على أستذكار دروسه ومراجعتها
وممكن تخلى بعض المدرسين يستغل شروط التعليم كأعمال السنه و الدرجات
ويبتذ الطلاب بالدروس الخصوصيه ( كفرض الأتاوات )

أثارها :
انتجت لنا جيل مقعد متستهين بمعلمه و بيستحقر المدرسه والتعليم
لانه بقى من الواضح أنه بيشتريهم بفلوسه

2: ناتجه عن المجتمع واافراد
ودا أغلب الظن بتبقى لما تشوف الطالب المجتهد بيروح دروس وهوا اصلا قادر يذاكر
وممكن الدروس دى تأثر عليه بالسلب
بس المجتمع فرض عليه كده ( أهله وأصحابه )
وفالغالب عشان الخوف على المستقبل الخاص بالابن او البنت
وممكن تلاقى ناس تانيه مش قادره تاكل وبتوفر عشان تدى دروس لاولادها
وفى ناس بتشوف أنها تدل على المستوى المعيشى
فتتلاقى واحد بيتظاهر أنو بياخد عند المدرس كذا وبيعاير صاحبه وزميله بكده
مع أن الافتخار بيبقى بمستوى الطالب و عقلو مش بالمدرس والفلوس اللى بتدفعله
أثارها :
بالاضافه الى السابق ذكرهم
اصبح مجتمعنا كما هوا بل تحول للاسوء
تملئه الغيره و الفقر

الحلول فى رد قادم إن شاء الله
بعتذر عالاطاله والتقصير
ودى وجهة نظر قد تُتَقَبل او تُرفضَ

اسعدني مرور حضرتك الرائع
ومع الاسف اصبحت الدروس الخصوصية عادة متاصلة في مجتمعنا
ووجهة نظر حضرتك تحترم
وفي انتظار مشاركة حضرتك
خالص تحياتي