ليه زمان خلتنى احبك؟؟؟
موش هالومك ، أو أحاسبك
لو في يوم كـان خانني قلبك
ولا حبيت حـــد تـــاني
ليه أكون وياك أنــاني
أو أطالبك توفي وعدك
حب عشــرة ، حـب ميـة
الحكـايـة ماهيش قضيــة
طول ما قادر تبقى عاشـق
يبقى خليــك سهم راشـــق
واوعى ترحم قلب حبك
الطبيـعي تخـــون وتغـــدر
مين على الإخلاص بيقدر
مين بيرفــض أي وردة ؟
ولا نظرة ف عين بتنـده
يبقى ليه هازعل واعاتبك
موش هاقولك إيه حكايتي
ياللي كنت ف يوم مرايتي
قوللي إيه فايدة صراحتي
ولا فاكـــر هلاقى راحــتي
لـو هاقـــول الذنب ذنبـــك
بس نفسي تحس مرة
إن جــوه القلب حسرة
وان فشلت ف يوم أكونلك
كل شيء ، أو حتى ضــلك
سيبني ذكرى ، جـوه قلبك
وافتكر لو لحظــة جرحي
اللي داب في لحظة فرحي
وان حـبي لك حــقيقـــة
موش هاينتهى لو دقيقة
مهما قلبي عانى فى بعدك
بادعي ربي وقلبي صافي
يـــوم تقـــابل حضن دافي
تطفي ويــــاه نـــار حنينك
تنسى وياه شوق ســـنينك
واللي كان ليك إنت وحدك
موش هيكون لحد غيرك..