محمد حليم بركات يكتب : «مبارك» لـ «السيسي» : على الطلاق فلولنا راضيين عليك
«الفلول» كلمة شاع استخدامها في السياسة لوصف «بقايا نظام بائد»، سواء كان هذا النظام جيشا مهزوما أو نظاما سياسيا قضي عليه، وتنتشر اليوم في مصر لوصف أعضاء نظام مبارك وحزبه المنحل، إلّا أن للدول الأخرى مصطلحات مختلفة، مثلاً ينتشر مصطلح «أزلام النظام» لوصف أنصار نظام القذافي في ليبيا أو «طحالب» في إشارة لرمزهم اللون الأخضر، والمصطلح السائد في تونس هو «بقايا التجمع».
يقصد بفلول النظام الفاسد السابق.. بأنهم تلك الشرذمة النتنة الباقية منه بعد كسر شوكته وخوار قوته وانهزام أعوانه، والمتصفة بخراب الذمة، وغير الصالحة للتقرب إلى الشرفاء زلفى، والتي ما فتئت تعثو في الأرض فساداً ، فهم بحق دعاة فسق قد اقتسموا الغنائم، أفعالهم مهالك وأقوالهم تضليل ، ضُيِّع الفقير فيهم واليتيمُ وابن السبيل.
محسن: إزيك يا فندم أخبار حضرتك أخبار صحتك
مبارك: أيوه يا محسن ربنا يخليك
محسن: نفسنا نشوفك والله يا فندم ونقعد نسمع حضرتك ونتكلم معاك
مبارك: إن شاء الله شوفوا ظروفكم 3 أو 4 وتيجوا تقعدو معايا شوية
محسن: ياريت يا فندم هو حضرتك مع السيسي ولا مش معاه؟
مبارك: مقدمكيش غيره دلوقتي
محسن: طاب يا افندم أنت مطمن على مصر والإخوان موضوعهم انتهى.. خايفين على أولادنا وبيوتنا وعيالنا
مبارك: بص أنا حذر جدا في الحكاية دي
محسن: من موضوع الإخوان؟
مبارك: أنا حذر جدا
محسن: النهادره بريطانيا يا سيادة الريس اعتبرتهم
مبارك: أمريكا بتقول مش هنديكم الطيارات غير لما تدخلوا الإخوان يعني عايزين يركعونا
محسن: اااه
مبارك: حاولوا معايا اركع ومركعتش وتربست معاهم تماما برفض برفض
مبارك: أنا كنت برفض على طول
محسن: حمدين صباحي
مبارك: حمدين صباحي دا مفيش فايدة منه وما ينفعش وإزاي هيبقى رئيس أنا هتجنن
محسن: ااااه ياريته زي عبد الناصر لكن مش كويسة
مبارك: لالالا سيبك من عبد الناصر.. دا كلام مزيكا بيتمحكوا فيه، طيب عبد الناصر كان ما سكها بإيد من حديد واللي يفتح بقه يروح السجن، بيتمحكوا في عبد الناصر وابن عبد الناصر بيمشي معاه لكن يوم ما هيمسك هيدي الناس بالشلوت، هو في ناس كدا على طول
محسن: اااه تعرف يا فندم في ناس كدا عملت توكيلات لحضرتك وجمال مبارك علشان تترشحوا في انتخابات الرئاسية
مبارك: هههههه أنا خلاص تعبت، هقولك على حاجة أنا بشتعل بقالى 62 سنة 30 سنة حروب و30 سنة بخدم البلد
محسن: بصراحة كان عندك راجل اسمه حبيب العادلى.. الراجل دا مسك البلد مسكة من حديد والأمن بتاعها
مبارك: اه طبعا طبعا مسك البلد بيد من حديد لكن دلوقتي كل واحد بيدور على نفسه والبلد تروح في داهية مايجراش حاجة
مبارك: انتخب السيسي أحسن انتخاب السيسي هو الوحيد الموجود على المسرح وأصلح واحد
محسن: ربنا ينعم عليك بالصحة ونشوف حضرتك على خير
مبارك: الله يخليك
محسن: شكرا يا سيادة الريس
مقتطف من مكالمة الرئيس المخلوع «حسني مبارك» مع «محسن سميكة» المحرر بالمصري اليوم.
ها هو كبيرهم الذي علمهم الفساد بعد أن فتح الله عليه وأصبح حراً طليقاً يتبختر في طرقات المستشفيات بعد أن ظل متمارضاً لثلاثة أعوام.. يعود ليفرض على فلوله وصايته على مسامع الجميع وهو يعلم أن هذه المكالمة مذاعة على الهواء مباشرة .. «انتخبوا السيسي مفيش غيره» كنوع من التذكره للسيسي نفسه بأن مبارك شريك أساسي في التخطيط والتدبير الذي وصل به إلى هذا الوضع وأصبح قاب قوسين أو أدنى من الجلوس في مكانه الأسبق.. فضلاً عن شرذمته المنتشرة في مصر والتي أمرها بأن تكون بلطجية للسيسي في الوطن كي يجعله يشعر بالحماية التي فرضها عليه كنوع من دفع فاتورة مسبقة يسطيع مطالبته بمقابلها في أي لحظة.
وهكذا أدرك السيسي رويداً رويداً أنه لن يستطيع أن يهرب من ماضيه الأسود الذي يطارده منذ أن لمع نجمه في ٣٠ يونيو الذي ظن أنه من الممكن أن يشتري بـ ٣ يوليو ماضياً مشرفاً ومستقبلاً جديداً يختاره.. وهذا كله بسبب أطماعه وجشعه وكذبه وحنث يمينه.. ولن يستطيع أن يهرب لأنهم هم أصحاب البلد الحقيقيين بعد أن أشتروها بثمنٍ بخس حصلوا عليه من جيوب الغلابة.. فلا مفر منهم وبين مصالح هؤلاء يكون مستقر السيسي ومستودعه.
إذا أراد أن يتبرأ السيسي من كل هذا.. فليخرج للجميع ويقول ولو كذباً «لا يشرفني تأييد مبارك وفلوله».