لو على حفظ المنهج الأمر مافيش أبسط منه ان الطالب يحفظ ... لكن الطالب اللى يجي عندى ويخرج فاهم محتوى المنهج ويقدر يستفيد بيه فى حياته الشخصية والعملية هو دة اللى انا عاوزة والرسالة اللى انا بسعى اليها مش انه بس يجيب 60 من 60 ... انا مش ببص لل60 درجة انا مدرس علم نفس .. يعنى الطالب لو عنده مشكلة لازم اعرفة يواجهها ازاى ومش بس يجي ياخد الكلمتين ويمشي ويجيب 60 من 60 ... لا انا بناقش طلابي لأقصي درجة علشان أتأكد انه استوعب المحتوى ... طظ فى 60 درجة وبعد كدة يطلع على الكلية مش فاهم ولا كلمة من اللى حفظة ويخلص الكلية ويبقي متشرد بعد كدة وسلوكياته كلها خطأ مع والده وإخواته وزوجته فيما بعد ... يبقي انا كدة ولا كأنى مدرس ... ان بخرج الطالب فاهم محتوى المادة يعنى هدف الكلام اللى بيدرسه دة اية وكمان يجيب ال60 درجة لكن مايبقاش هدفي انه يجيب 60 ومايعرفش اى معنى عن المحتوى اللى هو بيسمعه ...
الله المستعان ... انا ممكن اعلق تعليق بسيط وأكيد الناس هاتفهمه بس ربنا يسامحنى لو كان فيه تطاول شوية ..
احب اقول للمدرس اللى حضراتكم بتتكلمو عليه ... ((((( مكاااااانك مش هنااااااا )))) ... لما المدرس يرقص قدام الطلبة بحجه توصيل المعلومة ... يبقي الرقاصة عملها شريف ومش حرام لأنها بترقص علشان تجيب فلوس
وبجد انا أسف جداااا على المداخلة وهذا الرأى ... مع إنى عارف انه هايزعل ناس كتير حبايبي منى ...
الله المستعان ...
أ / أحمد ماجد
|