شوف يا محمد انا هكلمك كأخت كبيرة و ياريت تسمع النصيحة
و قبل ما أقول أى حاجة أنت كدا عدين نص الطريق عارف ليه عشان انت عارف انك غلطان و ندمان
و أهم حاجة دلوقتى أنك تخلى علاقتك بربنا كويسة اوى ازاااى ؟؟ متقطعش الصلاة و قراءة القران و حفظه كمان و أخلاقك لازم تكون كويسة و طريقة كلامك كل حاجة فيك لازم تكون كويسة و ادعى لنفسك كتير و طبعا قبل ما تدعى لنفسك بتصلى ع النبى و بعد كدا تدعى يا محمد
و لازم تكون بار بمامتك و باباك و اوعى تزعلهم و افتكر دايما ان ربنا مبيسبش حق حد ابداا حتى لو بعد حين يعنى كل اللى هتعمله ف مامتك و باباك او اى حد هتظلمه ربنا هيطلعه فيك كله
و فى حاجة كمان صاحب الناس الكوويسة يعنى لما تيجي تختار صحابك اختار الولد اللى يكون بيصلي و محترم و و شاطر و طبعا انا مقلتش شاطر الاوووول لان مش كل الشاطرين بيبقوا عارفين ربنا لو عايز صحابك يبقو معاك ع طوول يبقى تختار الصاحب اللى يخاف عليك و يشدك ع المسجد عشان انتو الاتنين تصلوا و لما تقول حاجة غلط يقولك انها غلط
اما بقى بالنسبة للدراسة انت لسا عندك وقت لو انت ف ثانوية ابدء زاكر و حط نية مهمة اووووووى عشان ربنا يكرمك حط ف دماغك انك تنجح عشان تفرح اهلك
دا كل اللى اقدر اقولهولك دلوقتى و هدعيلك و انا بصلى متخفش
و ياريت تطمنا عليك و تقولنا عملت ايه عشان لو محتاج أى مساعدة نساعدك