ياسلام يا ولاد
لو الاقى الشقه
كنت اتجوز
واكلها بدقه
اشوف لى عروسه
بنت حلال
لازم تتنقه
لو تلعب مره البليه معايه
واورث فى حمايه
واقعد اكوش
ع اللى معايه
محتاج كام زقه
وادفع واتوظف
وكمان اترقه
واشرب ماء فلتر
على ايد السقه
واشترى عربيه
اربع عجلات
بالدفع ذاتيه
واطلع فى سفارى
ليل او صبحيه
واروح الشرم
واعمل كام غطس
وانام ع الرمله
وقت الضهريه
واعيش وبصح
العيشه الحق
مليت م اللفت
والعيشه الزفت
والله قرفت
من كترت تعبى
من ريحه البنج
والشاش والجفت
انا لازم اتمرد
والله حلفت
وعلى **** صغيره
اكون ولفت
واكل بسطرمه
واشرب فى جازوزه
وابقه اتكيفت
انا نفسى اربرب
بعد انا منشفت
ابكى واعيط
على راحه راحتى
محدش هيقوللى
بس يا زفت
ويقولوا دا ربرب
والله نضفت
واعمل لى حجاب
يحفظ م النقه
اصل انا بخرف
وانا اللى استاهل
علشان انا جاهل
اصل كلامى
لازم يتنقه
ياسلام يا ولاد
لو الاقى الشقه
كنت اتجوز
واكلها بدقه
_________________
عطيه خضرى عطيه
قلين / كفر الشيخ