اقتباس:
المشاركة الأصلية كتبت بواسطة !! who cares !!
السؤال ده انا شوفته قبل كدة
وده كان ردى عليه
---
هو اةة العرف بيقول ان لازم الشاب يكون اكبر من البنت
بس العرف ده مالوش اساس ف ديننا
والرسول ( عليه افضل الصلاة والسلام ) تزوج من السيدة خديجة ( رضى الله عنها ) وعمره 25 سنة وعمرها 40 سنة
يعنى مسألة ان البنت تكون اكبر من الشاب لا تتعارض مع الدين وده اهم حاجة
---
تانى حاجة التفاهم والاحترام المتبادل وضمان نجاح العلاقة وعدم وجود مشاكل مستقبلية
ده حاجة مهمة جدا
مش شرط يكونوا متوافقين ف كل حاجة
لان الزواج تكامل مش تشابه
بس بردو ماتكونش طباعهم وافكارهم متناقضة
والا الحياة هاتكون جحيم
---
ثالثا مفيش حاجة اسمها طالما اتنين بيحبوا بعض مفيش مشاكل تكون البنت اكبر
والحب بيعمل معجزات والكلام ده
لان ف رأيى كل دى شعارات مالهاش اساس
---
اخر حاجة بقى انا شايفة ان لما فرق السن مايكونش بعيد اوى ده افضل
سواء البنت اكبر او الشاب
عشان التفاهم يبقى موجود
---
ده كان رأيى ومنطقى ف الموضوع ده
واعتقد انه منطق ورأى اى حد
بس لما اكون انا ف الموقف ده
مش هاقبله
ممكن اكون متناقضة شوية
بس مش كل حاجة الانسان يقدر يطبقها على نفسه
---
شكرا يا نسمة على سؤالك
ومعلش انى طولت ف كلامى  |
جميل ردك اوى يامونى
بس تفتكرى فى حد دلوقتى زى الرسول صلى الله عليه وسلم فى حكمته وعقله
ولا فى واحدة زى السيدة خديجة فى عقلها
وانا عرضت السؤال دة
علشان شوفت واحدة اتجوزت واحد
اصغر منها 7 سنة
وقالوا بنحب بعض
وكانت النتيجة انه مقدرش يتحمل تصرفتها الحكيمة
وانها فى كل حاجة بتتصرف احسن منه
فطبعا غار منها
والمشاكل كترت اووووووى بنهم
وفى الاخر طلقها بطفل ......
يعنى انا مش بتكلم على فرق شهر لا اتنين
لا دية سنييييييييييييييين
شكرا يامنى لردك ورأيك