في ناس بتسابق الدنيا لخط الفرح
و ناس بتعيش حياتها حساب و جمع وطرح
و ناس لحظتها بالدنيا تعيش و بتنسى مآسيها
و ناس ذكراها دي فرحه تعيش وقتك تفكر فيها
و ناس يوم ما بتفارقك
ماتسيبك إلا بجرح
و ناس جدعه , و ناس نافعه , و ناس رافعه لفوق الراس
و ناس دايماً فيها الطيبه , و ناس الكبت فيها اساس
و ناس تهديلك الفرحه , و ناس تربطلِك الطرحه ف يوم فرحك
و ناس بتعافر الدنيا عشان تعالجلِك يوم جرحِك
و ناس قوتها بيشغلها عن الدنيا
و ناس أهدافها في الدنيا هو حلم أو مُنيَه
و ناس بتعيش حياتها عذاب
و ناس يشغلها أي سراب
و ناس سعادتها في الدنيا فرح غيرها
تعيش أيامها تتمنى يطير طيرها
و يخرج يوم من قفصه و يفتح للسعاده الباب
و ناس غيرهم عايشين لينا
يعيشوا حياتهم و يتغنوا بأغانينا
و ناس لحياتها بس أساس
تعيش دايماً لحب الناس
...
الفكره مأخوذه من إحدى كتابات الشاعر محمد ابراهيم مع فارق المستوى الفني طبعا