[سعيد ابو الحاج]

بصراحة إحنا فى بلد العجايب فى كل حاجة وخصوصا التعليم المصرى والقائمين علية عشان كدة الواحد ديما يردد "سبحان الله"
يعنى معالى وزير التربية والتعليم لسه من أيام مشكل لجنة لدراسة إضافة مواد الدين والالعاب للمجموع لجميع سنوات النقل وأتارى يازملائى الاعزاء ان حضرته وبتوع الكمبيوتر التعليمى نسيه ان فى مادة اسمها "الكمبيوتر وتكنولوجيا المعلومات" أهم بكتير من الالعاب عشان تبقى مادة مضافة للمجموع وتكون محط الاهتمام من المعلمين والطلاب بجميع مراحل التعليم ونيسيه كمان ان الان لايوجد تخصص فى الحياة الا فيه الكمبيوتر او قائم علية الكمبيوتر فهى بذالك مادة واجبه كبقية المواد بل اهم بكثير من بعض المواد فى التعليم ونسيه كمان ان الكمبيوتر هو لغة العصر وبتحترمه جميع دول العالم المتقدمة لان بيه وبعد ربنا تم بناء النهضة والتقدم اللى هما بيعشوا فيها الان واللى يستهلوها بصراحة ربنا
يامعالى الوزير المحترم ويأساتذتنا يا قائمين على امور الكمبيوتر التعليمى فى مصر أتقوا الله فى هذا الوطن واعملوا على تقدمه ونهضته وشوفوا اى اللى فى صالح تعليم ابنائنا واعملوه عشان نكون زى دول العالم المتقدم بقى
واخيرا نظرة لمادة لغة العصر المحترمة مادة الكمبيوتر وتدريسها بما يرضى الله لابنائنا حتى يفهموها ويدركوها جيد و؟أقول إنشاء الله إنشاء الله ستصبح مادة الكمبيوتر اساسية ومضافة للمجموع فى جميع المراحل التعليمية لامحال فى ذالك رغم انف الرافضين والكارهين لذالك لان بدون ذالك لن نتقدم ابدآ فى مصر