متحملين
متحملين
متحملين الشقا ....يا مصر وبالقليل راضيين
حرمان وفقر ومرض ...طول عمرنا صابرين
لا ميه ولا كهربا بالليل ... طول النهار قاطعين
تعليم وأمره انتهى .. توظيف .. لنور العين
ابن الكبير يشتغل ... وولاد الفقير قاعدين
خيرنا كتير واتنهب .. رايح لمين ؟ ...عارفين
لو قلنا فين حقنا ... يا ناس نجيبوا منين ؟
العيش دا من حقنا .....ولا احنا مش عايشين ؟
كان الجواب اخرسوا .....طول عمركم نايمين
دلوقت جاي تفتكر .....إنك فقير مسكين
اصبر كمان واشتغل ... أما الغني في العين
تتعب لراحة الغني....يديك شقاك رغفين
كلهم ونام واتلهي ... كفنك معاك مترين
إن مت هنلفهم ...على جثتك فاكرين
أحبتي أعضاء إبداعات ..وأحبتى المشرفين على الصفحة ... لعلكم بخير جميعا وكل عام وأنتم بخير
عذرا ... أن عدت إليكم بشيء يؤلم مشاعركم
__________________
قال أحمد شوقي وَإِذا النِساءُ نَشَـــأنَ في أُمِّيَّــــةً رَضَعَ الرِجالُ جَهالَةً وَخُمولا لَيسَ اليَتيمُ مَنِ اِنتَهى أَبَواهُ مِن هَــــمِّ الحَياةِ وَخَلــّـــَفاهُ ذَليلا إِنَّ اليَــــــتيمَ هُوَ الَّذي تَلقى لَهُ أُمّاً تَخَلَّـــــــت أَو أَبـاً مَشغولا
|