[*تائبة فى رحاب الله*]

المشاركة الأصلية كتبت بواسطة hazemon

اولا يا جماعة انا عاوز اعرف انا اولا علمي رياضة
انا بجد عاوز اعرف ليه ناس بتذاكر كتيرررررر وفي الاخر مجاميعها قليلة ده السؤال الاول
السؤال التاني هوه لازم طريفتك في الاجابة في امتحانات الثانوي هيه بالضبط اللي في كتاب المدرسة ولا العربي بس هوه اللي كده وباقي المواد عادي يعني المهم تكوت اجابتي صحيحة وخلاص مش لازم تبقي بالنص زي كتاب المدرسة
ثالثا انا لو عاوز اجيب درجااااااات عالية اعمل ايه واحصل المواد ازاي واذاكر كم مادة في اليوم خصوصا ان بقي عندنا 7 موااااد ولما اجي اذاكر الرياضة اذاكر كل الفروع ولا فرع واحد كذالك العربي بردو
وهوه لازم احل كل يوم رياضة وفيزياء وعاوز اقفل الفيزياء والكيمياء ويا ريت يبقي كل المواد عاوز اعرف اسلوبي يبقي ازاي وكده يعني

أولاً : ربنا يوفقك وشدى حيلك
بالنسبة للناس اللى بتذاكر كتير ففى نوعين
ناس بتذاكر وخلاص ماسكة الكتاب ليل ونهار وتضحك على نفسها انها بتذاكر بتحفظ وخلاص او مش بتركز ومش بتطبق على اللى بتذاكره وكل اللى فى دماغهم انهم بيذاكروا كتير ومحدش قدهم
النوع التانى بقى : ده والله عن تجربة نيتهم مش بتبقى كويسة بجد والله ممكن يكونوا بيتمنوا الشر لغيرهم فربنا بيعاملهم على قد نيتهم
ربنا مبيضيعش تعب حد ( إِنَّا لَا نُضِيعُ أَجْرَ مَنْ أَحْسَنَ عمَلا )
سيبك من الاوهام دى وركز فى مذاكرتك
___
هو مش لازم بس أفضل عشان محدش ضامن المصحح ممكن يكون بعيد عن المادة من سنين فبيشوف الاجابة فى النموذج ويدى عليها
فعشان كدة اهم حااااااااااجة كتاااااااااب المدرسة الدرس اللى تاخده قبل متذاكره من مذكرة او ملخص اقرأه فى كتاب المدرسة بالذات الأدب ومتتعبش نفسك بالاستشهآدات اوى مش بتيجى فى نموذج الاجابة ممكن تبقى تطبقها على النص بتاع المدرسة
كل المواد تعمل فيها كدة بس هم بيأكدوا على العربى
__
ان شاء الله ربنا يوفقك وتقفل بالنسبة للرياضة انا كنت علوم ان شاء الله حد يفيدك فيها
الفيزيا والكيميا سهلين متعقدش نفسك من الاول ممكن تحس انك تايه فى الاول بس بعد كدة ان شاء الله هتتظبط ^^ ..
الفيزيا تركز جدا مع شرح الاستاذ وتروح تقرأه من كتآب المدرسة وتقرأ النماذج بتاعة الاسئلة اللى فى الشرح كويس وبعدين تبدأ تحل من كتاب الامتحان ومتتدايقش لو حاجة وقفت قدامك دى حاجة طبيعية ابعد عن كتاب الوسام ده اول شهرين عشان هيعقدك انما بعد شهرين ان شاء الله هتقدر تحل فيه كويس جدا
ومراجعة الوسام جميييييلة جدا وياريت يبقى الماسى كمان كدة ان شاء الله هتضمن انك تقفل الفيزيا
لو انت بتذاكر ركز اوى يعنى وحاول تسأل دى جات كدة ليه ولو حاجة وقفت قدامك مش تقفل عليها وتقول هبقى أسأل الاستاذ حاول فيها الاول اكتر من مرة وبعدين ابقى اسأل الاستاذ

والكيميا نفس الموضوع هو مفيش كيميا شرح بس أكيد فى مذكرات للمدرس كتاب الامتحان ابدأ حل فيه من اول السنة عادى وابقى هات الوسام وخليه لاخر السنة او حل فيه عادى هو مش زى الفيزيا بس عشان تبقى تلاقى حاجة تحل فيها

تذاكر اكتر من مادة فى اليوم ده افضل ليك عشام متزهقش بس تخلى مادة لها اكبر عدد من الساعات لو وراك مراجعة او امتحان او كدة ابقى افصل بين المواد يعنى مثلا عندك امتحان فيزيا يبقى ساعتين فيزيا ساعة بينهم كيميا وهكذا
___
الاسلوب بقى ياريت تحاول تحاكى كتاب المدرسة وخطك يبقى واضح وأى كلمة الاستاذ يقولها تكون فاهمها ومركز فيها وياريت متغبش من مراجعات او امتحانات حتى لو مكنتش مذاكر
صدقنى هتستفيد اكتر مهتتهزق
متستاهينش باى مادة او لو انت بتذاكر مادة تقول جت على الصفحة دى اهى دى اللى هييجى منها
_______
خلى ثقتك بربنا كبيرة واتعب عشان ربنا يجازيك
_____
ممكن تشرفنا هنا هتستفيد كتيييير وفيه برنامج ( كيف تصبح دحيحاً فى 40 يوم )
ومهرجآنات للموآد

https://www.facebook.com/groups/148656128660435/

بالتوفيق