[Eng.Mo'men]

المشاركة الأصلية كتبت بواسطة محمد حساب الشناوي

بسم الله الرحمن الرحيم

انا طالب ثانويه عامه نظام "قديم" الهو سنتين .. دفعه 2013

دخلت كليه علوم جامعه عين شمس .. بس للحقيق الكليه مش داخله دماغي ومش حببها خالص

ودماغي غي حاسبات علما بأني جبت " 91.4 % " يعني كان ناقصلي 1.6% علي حاسبات و 3% علي هندسه

يالا قدر الله ما شاء فعل

.........
المهم عايز اعرف ايه افضل كليه حاسبات خاصه في مصر

الافضل من الاخر .. " لاني والله متفوق وشاطر بس للاسف اترميت في علوم و الميزانيه متكفيش هندسه العاشر ومش حببها كمان "

ناس تقول العاشر وناس تقول الشروق

ياريت كلام من حد مجرب وفاهم

انا دماغي من زمان في الكمبيوتر يعني الابداع والطموح بأذن الله موجود

علي العلم اني اهملت الترم الاول فرسبت في 3 مواد
والترم التاني درسنا ال c++ و تعبت الترم التاني علشان اطلع صافي
وجبت امتياز في الحاسب وجيد جدا في الدينميكا و جيد كيمياء
بس رسبت في مادتين منهم واحده علي 3 درجات و التاني علي 10 درجات
يعني هعيد السنه و ليا قسم كيمياء فيزياء العام القادم

بس بعيد واقول انا اساسا مش حابب كليه علوم .. مش شايف نفسي فيها خاالص انا كان نفسي من قانوي اخش حاسبات

وطبعا قسم تعب ع الفاضي وراح علي الكيمياء سبيشال
وفي الاساس القسم ده هو الكان ممكن يصبرني علي الكليه .. بس انا مش شايف نفسي فيها

............

مش هطول .. عايز بس اعرف افضل كليه خاصه لحاسبات ايه ؟ وافضل قسم ؟

ونظام الدفع .. يعني مثلا لو العاشر هدفع من اول السنه ولا في تقسيم ع الترمين زي هندسه


***** واهم حاجه **** ازاي احول من كليه علوم لحاسبات خاص
من موقع ايه ولا اروح مكتب التحويلات وهيفتح امتي ؟؟

وتنصحوني وفقا للكلام القولته انهي افضل اخليني ولا احول ؟

منتظر الردود وشكرا ليكم ..

الشروق .. علوم حاسب او تكنولوجيا معلومات من وجهة نظري بس كله فى الآخر قريب من بعضه لانك هتشتغل على حسب كورساتك وشطارتك .. نظام الدفع قسط اول السنة وفى نص السنة بس مش متأكد لان الخاص بيبقا ليه انظمة مختلفة .. التحويل هتروح الشئون فى كليتك وهتجيب ورقك وهتقدمه فى المعهد الخاص .. من وجهة نظري خليك لان علوم كويسة مش وحشة .. ربنا يوفقك