[omarhassan2009]

المشاركة الأصلية كتبت بواسطة lolododo2010

انت مستغرب ليه ان جدول المزاكره بيبوظ ده من شيم العظماء
قولي ليه؟
لان الناس اللي بيبقي حلمها كبير بتكلف نفسها مالا طاقه لها به
بتحط حاجات كتير علي وقت قليل وده اكبر غلط غالبا مبينفذش وبيضيع وقت يندم ع الجدول اللي منفذوش
اما بقي الحل انك متكتبش جداول كده وتحطها قدام عنيك تزغللك الرؤيه
خليها ف دماغك بمعني ابدا زاكر شويه بالماده السهله لو انت مكتئب واقطع فيها جز كويس حسيت بالملل تعمل ايه قوم افتح التلاجه خيارايه كده وارجع تاني وامسك ماده تانيه
ولو انت من النوعيات اللي بتمسك 3 ف اليوم فهتقلل ساعات القاعده ف الماده
بس ف الواقع هتلاقي نفسك ممكن تمسك ماده واحده ف اليوم وده برده شغال وبياكل عيش يعني الناس اللي بتزاكر الماده قبل درسها عشان تستفاد بتخلي اليوم اللي قبل الدرس مزاكره للماده بتاعه بكره ف الدرس ساعات كتير كنت بعمل كده بس براجع القديم كله وبحل الواجب كمان وبكده ده برده اسلوب كويس للمراجعه المستمره
اللي اقصده ان فيه اكتر من طريقه تنظم بيها وقتك حسب انت من انهي نوع بتاع الماده الواحده ولا الاتنين ولا ال3
المهم انك تطبقه صح وتبعد عن المشتتات الفيس بوك والاصحاب وما شابه انا وانا ف ثانوي مكنتش اعرف يعني ايه فيس بوك ده مكنتش اعرف بتاع ايه
ولا كان ليا صحبات خروجات وتضييع وقت ولا كدا
فرتب امورك والغي المشتتات وقرب من ربنا واستعين بيه
واي حاجه انا ف الخدمه
لا تتقيل ولا حاجه انتوا اخواتي الصغيرين بس عايزه اعرف هل حد من اللي قروا الموضوع من قبل كده دخل كليات كويسه ولا ايه طمنوني عليكوا علطول

حلوه فكره التلاجه دى وإن شاء الله اقدر انفز الكلام دة