[callayax]

المشاركة الأصلية كتبت بواسطة هاوى إبداع

انا شايف اننا لو فكرنا بشكل اعمق هنلاقي ان الفكرة الاساسيه مش ف "الباكين"
بل في "الناس اللي بتبين وتظهر مشاعرها لغيرهم"
خلينا نسأل نفسنا سؤال
ما هو سبب البكاء؟!
هنلاقي ان سببه وصول عميق لشعور معين
الشخص اللي من كتر وجعه والمه قعد يبكي
كذلك اللي من شدة اشتياقه
واللي من شدة جرحه
واللي من شدة فرحه وسعادته
فممكن نقول انه بمعني اوضح دلوقتي انه "شىء فاضح لشعور معين او احساس معين"
لانه من شدة احساسه اصبح "لا إراديا" بيبكي
واحنا هنا
الموجوع او المجروح وملامحه تدل ع حزنه والمه بنبصله ساعتها بنظرة ضعف وشفقه
اللي بيحب شخص جدا الشخص دا بيبصله بنظرة ضعف دا لو احنا كمان معملناش كدا
الطيب اللي كل اما يفرح يبكي بنقول عليه بسيط واي حاجه ممكن تأثر فيه
احنا وبكل فخر تخطينا الرقم القياسي دلوقتي ف "*** المشاعر" وبقينا نتفنن ف "اننا منقدرش مشاعر الناس"
بقي نادر فينا اللي يلاقي واحد صاحبه كاتب انه موجوع او مضايق ويدعيله ويحاول يتفهم مشاعره
وكثر جدا الاشخاص المبدعه ف التريقه والاستهزاء
للاسف نظرتنا للموضوع دا بقت سطحيه جدا بقي صعب علينا دلوقتي نفهم ان الدموع دي "رمز للقوه" مش ضعف
كلنا نعرف الحديث اللي هو قال رسول الله "ص" "عينان لا تمسهما النار عين بكت من خشية الله وعين باتت تحرس في سبيل الله"
دلوقتي كام واحد يقدر يوصل للمرحله دي انه من كتر ايمانه بربنا وقدرته وخوفه من ربنا وناره يبكي !!!
بقوا قليلين وانا شخصيا بطلق عليهم "الاقوياء"
بكاء سيدنا عمر ع صحابه اللي سبقوه للقبور
وبكاءة ع بنته اللي دفنها حيه دا قوه شخصيه مش ضعف
وسيدنا محمد "ص" لما بكي ع ابنه والمقوله اللي قالها واصبحت من مقولات التاريخ لحد دلوقتي واللي كلنا حفظناها
ناس فعلا فهمت يعني ايه مشاعر وقد ايه اهمية "تقدير مشاعر الناس" ووصولهم لهذا الجزء العميق من المشاعر والاحساس الصادق اصبحوا يبكوا
احنا بقي دلوقتي بقينا نفهم الاطفال من صغرهم وندربهم ع الشخصيه اللي المفروض

ساعة الوجع متتألمش
اللي متحبش اللي ميفرقش معاها حد
المتجرده من اي مشاعر
لاننا ببساطه شايفين انها "الشخصيه القويه" الشخصيه الرجوليه
"الشخصيه اللي المفروض تكون موجوده ف الزمن دا"
ودا للاسف انا شايفه غلط جدا واكبر حاجه تخليهم يحسوا بعدم الامان والاستقرار هما واللي حوليهم
لازم نتعامل بشكل خاص ف الموضوع دا ونتعلم من الرسول "ص" واصحابه
اسف ع الاطاله

الله عليك والله كلامك ده جه الجرح الف الف شكر على المرور