اقتباس:
المشاركة الأصلية كتبت بواسطة زهرة 1996
انا معايا كتب المدرسة من بنت خالتى وجربت اذاكر منها ولاقتها ملخبطه مش عارفة استوعب منها حاجة و للأسف كتاب المدرسة مهم جداااااا
|
بس كتاب الكيمياء أنا شايفه أكتر كتاب منظم ده لو قارناه بالمواد التانية صح؟
أنا شايف الحكاية إني ممكن اتعودت على كتب المدرسة من الإعدادي
لو شايفه كتاب المدرسة صعب يبقى إما تتعودي عليه لإما تذاكري من مصدرك التاني وترجعي بعدين لكتاب المدرسة تعرفي فكرة عن الموجود واللي الملخص ضايفه واللي ناقص
ومش عاوز أنبه على ضرورة أسئلة كتاب المدرسة في كل المواد
اقتباس:
|
بعد اذن حضرتك ممكن تقولى على طريقة تخلينى أعرف اذاكر منها و كمان ممكن تقولى حضرتك كنت بتذاكر ازاى وبتنظم وقتك ازاى وشكرا
|
العفو حضرتك ..
إنتي بنت فممكن تعملي جدول يناسبك يعني يتناسب مع شغل البيت والدروس وكدا يعني
أنا جاوبت على الطريقة اللي كنت بذاكر وأنظم وقتي بيها وأنا على فكرة مش من الأوائل ولا حاجة بس واحد جايب 402.5 وفرحان بيها
""أنا كنت برتب يومي بطريقة (مش عارف هتنفع مع غيري ولا لأ) أني بقول مثلا يوم السبت هذاكر انجليزي كلمات وفيزياء والسبت اللي بعديه هذاكر انجليزي قواعد واحل مسائل واسئلة على الفيزياء وباقي الأيام بنفس النظام مع تغيير بسيط في حالة وجود ظروف ويوم الجمعة حالة خاصة لأنه مابيبقاش فيه دروس ولامدارس فبذاكر فيه كتير
ايام المدارس كان يومي في المذاكرة بيبدأ الساعة 4 العصر لحد الساعة الساعة 6 والساعة سبعة بيقا في درس خصوصي الساعة 8 لحد 9.5 مذاكرة والساعة 9.5 أو 10 بيقبا في درس خصوصي
بعد الساعة 11 الصراحة الواحد مش بيذاكر خالص إلا في أضيق الظروف
ايام المراجعة بعد وفي شهر 1 الموضوع بيتغير خالص لأنه مش بروح المدرسة تقريبًا
انا بنصح كل واحد وواحدة أنهم يعملوا لنفسهم جدول خاص بيهم يتناسب مع المدرسة والدروس بس مايبقاش روتين يعني يتنوع كل اسبوع ولازم يتغير ايام المراجعات ""
وأهم حاجة تحسابي نفسك يعني تشوفي النهاردة هتخلصي ايه وفي أخر اليوم تشوفي انتي خلصتيه ولا لأ.. والمحاسبة تكون بالضمير لا بالقلق
بالتوفيق إن شاء الله
اقتباس:
المشاركة الأصلية كتبت بواسطة ahmad khalid
شكرا على ردودك بس هو ازاى انظم الموجود داخل كتاب المدرسة
يعنى عندك مثلا فى سنة تانية كان شارح التهجين و قواعد توزيع الالكترونات سيىء ع الاخر فعمل ايه؟؟؟
|
العفو حضرتك
بس أنا شايف شرح كتاب المدرسة مش ناقصه حاجة ، بس من ناحية التنظيم يمكن تطول عشان تفهم المعلومة
مخبيش عليك، أنا كنت بعمل ورق أذاكر منه ده بيكون فيه مقارنات و كل المعادلات اللي علينا وورق للتعريفات وكده وده بجانب ورق الدرس فكنت بلاقي المعلومة منظمة
أنت ذاكر بالطريقة اللي كنت ماشي بيها في سنة تانية يعني لو بتذاكر من كتاب الإمتحان أو غيره مفيش مشكلة بس حاول بعد ما تذاكر منه وتفهم كل حاجة ترجع ياليت لكتاب المدرسة وده مش هياخد منك وقت وتعرف اللي مش موجود في الملخص واللي الملخص ضايفه
وبالتوفيق يارب
اقتباس:
المشاركة الأصلية كتبت بواسطة $طالبة علم$
انا منطقتى مشهورة بالدروس ..... للاسف لازم اعمل كده عشان مندمش واقول يارتنى اخدت...... وبعدين 6 ص دة قمة الاستمتاع فعلا بيبقى دماغى فاااااااااااااااااضى فبقدر استقبل الشرح وربنا بيبارك فى الوقت....
|
معلش أصلي أنا أول مرة أشوف درس الساعة 6 الصبح أو بمعنى أصح أنا كسلان
ده الواحد لما كانت المدرسة الساعة 7.5 الصبح بيكسل يقوم (بتكلم عن نفسي
)
بس لو كنتي مستريحة في الدرس يبقى خلاص خدي في الميعاد ده
ونظمي وقتك بالطريقة اللي شايفاها صح
وياليت تحاولي توفقي بين الدروس لو هتاخدي أكتر من درس في نفس المادة
ويارب أشوفكم من الأوائل يارب
يااااه صحيح ، بالمناسبة أنا لم يكن هدفي أن أدخل كلية الطب أبدًا ..
والله أنا كان هدفي إني أطلع الأول
ياليت أشوف حد زيي هنا ...
تحياتي لكم