اقتباس:
المشاركة الأصلية كتبت بواسطة eman~
طب ممكن تقوليلي طريقتك ف مزاكره الانجليزي بتوضيح شويه
لو مش هزعجك يعني
وربنا يوفقك ويوفقنا
|
لا ولا ازعاج ولا حاجه
بس ك واحد لينا له طريقه فى المذاكرة
انا مثلا كنت فى اولى وتانيه ثانوى مطنشه التراجم والبرجرافات
جيت السنه دى لقيت ان البرجراف كان ب 10 درجات
سالت نفسى انا لو دخلت الامتحان وكتبت برجراف هجيب كام قلت يبقى هجيب صفر
بادت من اول رمضان درس خصوصى انجلش.....كنت باحد برجرافات وتراجم وحفظ كلمات تراجمواطبق عليها
وكل حصه لازم اكتب برجراف والمستر يعلمه
جيت ناو بدات الدروس
باخد درسين انجلش
واحد بسمع فيه كلمات المنهج واسئله القصه وحل ودة مجموعه عاديه
الدرس التانى خاص
برضو بسمع فيه كلمات منهج + كلمات تراجم وحل تراجم وبرجرافات
اول برجراف كتبته اخدت فيه ساعه....... وكان فيه اخطاء...... كنت بدايق لما كنت بشوف اللون الاحمر
اخر برجراف كتبته اخدت فيه ربع ساعه....كان فيه خطا واحد بس........ومش شفت غير خط احمر واحد
يعنى دة انجاز بالنسبه ليا..........وهقولك نصيحه للبراجراف
اعتبريه موضوع تعبير عربى وقولى الجمله بالعربى وترجميها انجليزى ومع كتر حفظ الكلمات الموضوع دة هيبقى سهل جدا.......وكل ما تكتبى برجرافات اكتر هيبقى عندك جمل حفظتيها......تكتبيها فى اى موضوع.......
اما بالنسبه للمنهج
انا جايبه 3 كتب انجليزى جيم سربرايز توب استيودنت
كل اسبوع بحل وحده من كتاب والاسئله اللى بتقف منى بجمعها فى كشكول واسال فيها المستر
عشان اخر السنه ابقى عارفه انا وقفت فى ايه
القصه حفظ
القواعد فهم
واتمنى انى اكون افدتك
اه انا اتفقت مع المستر ان اليوم اللى اجى فيه من غير ما اكتب برجراف وحل 10 تراجم يطردنى فيه
عشان يبقى الزام ليا انى عمل دة