[ابوالنور]

المشاركة الأصلية كتبت بواسطة amr_2010

الموضوع مكنش فى دماغي ولا كنت ناوي اكتب فى حاجة زي كده
بس الموضوع جه صدفه
بعد اما شوفت البنات فى المنتدي
بسم الله ماشاء الله اللهم لا حسد
حماسهم عالى جدا
وعندهم روح قتالية عاليه فى قسم الرجاله
بشوف ردود البنات وبتخيلهم وهما مفروسين وهاين عليهم يعضوا صاحب الموضوع
الغلبان المغلوب على امره اللى منزل التوبيك عشان خاطر يساعد اخوانه الشباب الغلبان المغلوب على امره برضه
وتيجي البنت منهم تقولك احنا على قلبكم هتروحوا مننا فين وراكم وراكم
واللى عاملة لى فيها سعد زغلول وتقول انا هعمل ثورة
واللى فاكرة نفسها قاسم امين وبتطالب بمساواه الرجل والمرأة
وتقول مفيش فرق
طبعا انا كاتب الموضوع ده وعارف ان 99% من بنات المنتدي هيدخلوا القسم الرجالى
رغم التحذيرات ورغم عنوان القسم انه للرجال فقد وقسم سي السيد
أما الـ 1% الباقى من بنات المنتدي مش هيدخلوا
غير القسم الرجالي

وتعالوا مع بعض نفكر سوا ونشوف ليه البنات بتدخل هنا وبتشارك
أولا التماحيك

البنت دايما بتتمحك بالشاب رغم انها مش بتظهر ده يعني لو بصينا للميك اب والهدوم وطريقة المشية فى الشارع
والكوافير ياتري كل ده بتعمله لمين؟
لنفسها؟؟؟؟؟؟؟؟؟
تبقى كدابة
بتعمله عشان تتمحك بالرجالة
تشد نظرهم .. وتلفت انتباههم وده اللى بتعمله البنات هنا
البنت من دول مش لاقية يا حبه عيني حد يعبرها
تقوم داخلة عاملة لها ردين فى قسم سي السيد
يمكن حد يحن عليها برسالة خاصة ولا حاجة

ثانيا للتخطيط
وزي ماحنا عارفين البنات اللى بيدخلو هنا محدش معبرهم فى دنيتهم فبيبدأوا يخططوا للشباب
عن طريق انهم يعرفوا الشباب بتفكر فى ايه
ياتري الشاب بيحب ايه عشان اعمله
وياتري بيكره ايه عشان معملهوش

ثالثا ولد عاجبها

البنت ممكن تدخل قسم سي السيد عشان ولد عاجبها وهتموت عليه وهو مصدر لها الطارشة لأنه فى الغالب مرتبط ببنت احلى منها والذ منها تقوم تدخل وراه كل توبيك وتشوف كل رد
ومش بعيد ترد كمان عشان خاطر تلفت انتباهه ويتشد ليها
وتحسسه باهتمامها

رابعا التقليل من شأن الرجل
وده بيحصل عن طريق انتقاد مواضيعنا
والتقليل من شأنها يعني لو اتناقشنا فى موضوع
عن ازاى تحرق دم بنت
تدخل الواحدة من دول تقول انتوا أصلا متقدروش تستغنوا عننا
ايه اللى انتوا بتعملوه ده .. ده كلام فاضي
تقوم عزيمتنا تنكسر ونحس ان اللى بنعمله ده ولا حاجة
رغم ان البنات اساسا مش بيعملوا حاجة

والمشكلة لو اتكلمنا وقولنا عيب كده يابنات لما تدخلوا قسم الرجال وتردوا فيه
تلاقى الواحدة منهم عينها قد كده
وترد عليك وتقولك
اقتباس:
ليه البنت مش تدخل هنا فيه ايه يعني لم نتخل
اسمها ندخل يا بنتي مش نتخل
أو واحدة تانية تقول
اقتباس:
انسوووووووووو الكلام اللي انتو بتقولوه ده وعمالين تخططوله احنا على قلبكو غصب عنكو
ده جزء من كلامهم
والاسباب اللى انا قولتها دي
جزء من كل
اكيد عندكم اسباب اكتر واكتر
والموضوع مفتوح للنقاش بين الشباب والشباب
أما المشاركات الحريمي اللى هنشوفها
اعتبروها يا شباب ولا كأنها موجوده
وكل واحد يسأل نفسه ويجاوب
ياتري البنات بيدخلوا قسم سي السيد ليه؟



الموضوع علي سبيل الهزار اوعو يا بنات تزعلو

موضوع جميل
ههههههههه ايوة كدا خد حقنى من بنات