اقتباس:
المشاركة الأصلية كتبت بواسطة nooooooooooooono
لو سمحتى انا فى درس الرياضه صحابى يتكلموا ويهزروا غصب عنى بهزر معاهم والنتيجه ساعات بلاقىحاجاتمش فاهماها وكمان انا نفسى ابقى متفوقهجدا فى الانجليزى ممكن تقوليلى ازاى وكمان انانفسى اكون دكتوره ازاى اوصل لحلمى
|
بصي انا مكنتش بحب اخد درس فمجموعه فيها صحباتي
لا وكمان ايه صحباتي مكنوش بيهزروا دول كلهم كانو مجموعهم فتانيه من 99 فالميه الي 99.8 في نفس الرنج بتاعي ساعتها وجاولت اوفق المواعيد فمجموعه تانيه ميكونش العيال اللي فيها بيبصوا لبعض ومتغاظين من بعض عشان انا مكنتش صاحبه مبدا خليني فدرس العيال الحريته كنت بتخنق منهم
\
وبردوا مكنتش بختار مجموعه يكون فيها ضحك وفرفشه انا كنت بختار مجموعه عارفه ان البنات اللي فيها عايزه تحقق حلم عالي بس بتجتهد جامد فكانوا بيشجعوني بعكس الدحيحه بيخبوا او مبيظهروش
نصيحتي ليكي لو ينفع تغيري المجموعه وتطلبي من المستر كده كان بها لان الهزار ده عارفاه بيضيع وقت وهيشتتك وحرام تضيعي حلمك
المهم اصلا يكون الاستاذ كويس لان اللي بيسمح بالهزار غالبا بيبقي مش قوي فشوفي لو في احسن منه روحيله وريحي نفسك من اللي ممكن يعطلوكي
كنت هقلك الحل التاني متنخرطيش معاهم بس بصراحه انا برجح انك تبعدي عنهم خالص خصوصا لو انتيمه وكده بيضيعوا وقت والله انتي اولي بيه انا عن نفسي مكنتش بحب جو الصحوبيه فالدراسه نهائيا الي الان حرام تضيعي حلمك وف الاخر الناس بتتفرق
والرياضه محتاجه تركيز فشوفي يا تسيبلهم المجموعه يا تشوفي مستر احسن ومتتكسفيش من حد حلمك اهم
الانجليزي بقي حسب تاسيسك ده اولا ثانيا حسب انتي بتعمليله ايه دلوقتي يعني زمايلي كانوا بيسيبوا القطع ويحلو باقي الاسئله وهم بيزاكروا انا كنت بموت فحل القطع وتخمين معاني الكلمات
الانجليزي محتاج فهم وحفظ الجرامير والكلمات كويس اوي وتحلي كتير واقري الموضوع من اوله كنت كاتبه اسامي كتب وحاجات كنت بلجأ لها ساعتها بس انا دلوقتي رايحه 3 طب ونسيت الاسامي
اما بقي انك تبقي دكتوره فده مش بعيد عن ربنا خالص الثانويه العامه زيها زي أي سنه دراسيه عاديه جدا الناس هي اللي مهولاها ومصعباها عليكوا عادي جدا شويه كتب لو اتفهمو كويس واتحفظووا كويس واؤكد علي اتحفظوا دي لان المصحح يحب ان يري نسخه من الكتب وطبعا الفهم مهم لانك لو مفهمتيش مش هتحفظي
زاكرتي حلي بقي حلي كتب كتير
حليتي لازم تكوني مع احسن مدرسين فالمنطقه والمناطق المجاوره معروفين هتلاقي الدحيحه كلهم عندهم جيل ولا جيل بيروحوا كليات القمه ودي نقطه مهمه المدرس بيشغلك
روحتيله ابعدي عن المواويل كلهااااا فيس بيت اصحاب مشاكل تبقي حياتك مزاكره * مزاكره
بس مع ده كله تكوني متفائله اصله عادي هي دي المزاكره اصلا مش وصفه للثانويه اللي بيطلع الاول علي ابتدائي بيعمل كده واللي بيطلع الاول علي حضانه بيعمل كده
اوعي تسمحي للياس ولا الاحباط انه يهوب نحيتك بقدر الامكان طول السنه بتاعت 3 ثانوي دي
ارضي ربنا والديكي حافظي علي الصلاه وورد القران انا كنت بحط الفواصل بين المزاكره قرايه قران
عملتي ده كله روحي امتحني وانتي متوكله علي الله وراضيه بقضاء الله ونتيجته مهما كانت
حققتي حلمك ودخلتي طب برافوا عليكي يبقي ربنا عايزك هنا وهيساعدك هناك وشايلك لحاجه مهمه هتعرفيها بكره لما تبقي طبيبه
دخلتي كليه تانيه متزعليش لان برده ربنا بعدك عن شر وشايلك الخير فمكان اخر
وربنا يوفقك واي سؤال لاي حد انا فالخدمه