اقتباس:
المشاركة الأصلية كتبت بواسطة Drako7
طبعا الحسد مذكور في القرأن بس بالله عليكم بلاش تفهموا الموضوع غلط
يعني مترحش تجيب درجه وحشه في امتحان وتقول انا خايف اخل خلو اتحسد
وكمان حاجه لو صاحبك سالك ذاكرت الجزء الفلاني قوله اه عادي لو انت ذاكرته رد بصدق وخلي تعاملاتك كلها مع ربنا .. هو اللي هينفعك
انا عن نفسي كنت بعمل كده
اياكم والخبث في الثانوية العامة
انا مش عايز احلف واتباهي بنفسي
بس انا كنت بجري علي صحابي واقولهم المعلومات ( المستخبيه اوي اوي اوي )
يعني مثلا ممكن اذاكر 4 ساعات اطلع بعملومه واحده بس
بس انا متاكد ان كل الناس مش عارفها ..
مش كنت بحتفظ بيها لنفسي او كده لا
كنت بقولها لكل صحابي .. وانا نيتي انها لو جت في امتحان اخر السنه كلنا نحلها ( وقد حدث ) في امتحان الاحياء .. جيه سؤال عن اذكر اهميه الجسم الاصفر.. وكل الناس كتبت انه بيفرز هرمون البروجستورن
طبعا لان معظم طلبه مصر بتعتمد علي كتاب الامتحان في المذاكره .. هنا في سقطه لكتاب الامتحان
وهو بيفرز هرمون الاستروجين والبروجسترون مع بعض ( وده اللي نزل في نموذج الاجابه ) وكنت فرحان جدا لما صحابي حلوها وجم شكروني كلهم .. احساس لا يوصف
الخلاصه عامل ربنا .. ولما تعرف معلومه انت عارف ان زميلك مش عارفها .. المفروض تروح تقولهاله حتي لو هو مسألكش عليها
.........................
الرد التاني بقا بتاع كنا بنعمل ايه قبل الامتحانات .. كنا بنستعين بربنا طبعا
وانا عن نفسي كنت بكون متاكد ان ربنا مش هيحاسبني علي لفتره اللي قبل الامتحان او اليوم اللي قبل الامتحان بس .. لا هيحسابني علي مجهود السنه كلها وده كان شئ بيطمني لان انا تعبت .. وربنا مبيضيعش تعب جد
فعلشنا كده متقلقوش .. وطول منت مع ربنا خلاص الموضوع منتهي
رغاي انا معلشي 😄
ربنا معاكم يارب ..
|
طب يعنى انتم عرفته السؤال صح علشان زاكرته من كتاب المدرسة ؟؟
لانى كتاب المدرسة كان كدة فبتالى فنموذج الاجابة كان كدة و لا اية ؟؟؟
انا فهمت صح
؟
اصل انا بصراحة جيت ازاكر من كتاب المدرسة لقيته هو هو كتاب الامتحان بس على منظم
فذاكرت من الامتحان
ارجع ازاكر من كتاب المدرسة و خلاص ولا اعمل اية ؟
