اقتباس:
المشاركة الأصلية كتبت بواسطة m khalaf
بص يا دوك انا حاولت افهم القراءة بتقل ليه مفهمتش مع اني طبقت القوانين
|
صلي علي النبي بقا
علشان الحته دي محتااااااااااجه فهم جااااااااامد
صلي عالنبي ياض بقا
بص انت لما يجيلك حاجه من النوع ده بتاعت قراءه الفولتميتر هتقل ولا هتزيد
اول حاجه تبقي عارف الفولتميتر ده متركب فين وهيقيس ايه بالظبط
يعني امسك ايدك .. كده وروح عند النقطه اللي هيبدء من عندها
ايون الللي انت حاطط عليهم نقطتين دول برافو عليك
يبقي الفولتميتر هيقيس فرق الجهد بين النقطتين دول
يعني هنجيب التيار ونضربه في r علشان نجيب فرق الجهد
تمام تمام
انت لو فهمت الحبه اللي فوق دول يبق فهمت 60% من الحل
بص بقا
rشرطه دي لما هتزيد ... اكيد المقاومة المكافئه للدايره كلها هتزيد لانها متوصله علي التوالي مع r
ولما المقاومة المكافئه تزيد ... اكيد شده التيار هتقل ..
ولما شده التيار يقل .. وانت تروح تضربه في المقاومة r (اللي قيمتها ) ثابته
اكيد قراؤه الفولتميتر هتقل ..
يارب تكون فهمت
ولو مفهمتش متكسفش وقولي هفهمك متخفش
كان نفسي اخش حاجه ليها علاقه بالفزياء