[اسراء سمير00]

المشاركة الأصلية كتبت بواسطة مادوكا

[center]

وبسـألگم ؟؟

هل تغير الزمن ........... ام هذا تغير البشر؟؟

في انتظار ارائكم

منقول

أولا :- بشكرك علي موضوعك ده وبحييكي عليه ياخلود لانه مهم جدااا النقاش فيه
تسلم إيديكي ياحبيبتي

ثانيا:- رأيي ووجهة نظري
طبعا ومش عايزة كلام العيب فينا أحنا مش في الزمن ليه بئا لأسباب كتيرة جدااا منها :-



1- أيام زمان الجيران دول كانوا أكثر من الأهل كانت اللقمة بتتقسم بينهم كانوا بيخافوا علي بعض بجد
كانوا بيحبوا بعض بمعني كلمة حب مليء بالوفاء والإخلاص والمودة والرحمة ..
جيراننا في الوقت الحالي ده أقرب جار ليكي هو اللي يغلط فيكي

هما بردو نفس البشر بس الأخلاق أتغيرت بقي الجار يخاف من جاره مش علي جاره
ويقول انا أبقي في حالي أحسن من المشاكل ......تغير البشر

2- ايام زمان كانت البنت تمشي في الشارع لو في راجل واحد بس تبقي ماشيه مطمنة ومش خايفة من حاجة علشان عارفه لو حصل لها حاجة هو اللي هيحميها مش هيأذيها ..
في زمنا الحالي ..البنت فينا تخاف تمشي في مكان فيه أولاد لانها متأكده ان محدش هيضيقها بكلام إلا هما
ولو مشيت من قدامهم تبقي مش عارفه تحمي نفسها أزاي ،، لما يكون ولاد بلدها هما اللي بيضيقوها وهي ماشية مين اللي هيحميها ....

هما بردو رجالة بس راجل عن راجل بتفرق الكلام ده ميزعلش ده واقعنا اللي بنعيشة .... تغير البشر

3- أيام زمان كل الناس كانت تتمني لغيرها الخير بقلوب صافيه وبكل صدق بدون غل أو حقد أو حسد
أقرب مثال أذكره في زماننا الحالي ويدل أن مفيش حاجة أسمها خير ولا ذرة حب للأخر
سواق الميكروباص لو شاف صاحبة طالع ومحمل الدور قبله يسب له بالدين ولا أكنة أقطع حتة من جسمة
كل واحد فيهم بيبص في رزق التاني وميعرفش أن كل واحد ربنا بيكرمة وبيرزقه وأن ربنا مابينساش حد
ولو وصل ليهم الحال أنهم يطلعوا مطاوي وي***وا بعض لكانوا عملوها .. ده موقف من المواقف اللي أتحطيت فيها بجد الواحد بيحزن أخر حاجة والله علي اللي بيشوفة ..... تغير البشر


وحاجات تانية كتير عايزة أقولها دليل علي تغير الناس وسلوكهم وأخلاقهم
بس أكتفي بده علشان مطولش عليكي ياحبيبتي ،، بس عمري ماهنكر أن في جيران مازالوا أجدع ناس بس مش كلهم ، ومازال في شباب زي الورد ربنا يحميهم بس مش كلهم كل حاجة متوقفة علي التربية الصح والسلوك والأخلاق والدين الإسلامي لو أتبعناه لعشنا أسعد حياة ..،، وكمان في سواقين ميكروباصات محترمين والله بس مش كلهم مع إحترامي لكل الجيران وكل الشباب وكل المهن المُحترمة ربنا يهدينا ويكرمنا
وأهم حاجة رضي ربنا علي أفعالنا وعلينا ويُسترنا دنيا وأخره ويحسن ختامنا اللهـــــــــم أمـــــــــــين ..


أسعدني وشرفني تواجدي في موضوعك ده ياخلود وربنا يحميكي ياحبيبتي من كل شر
خالص تقديري وإحترامي ،،وأسفة جدااا علي الإطاله والرغي الكتير ده بس أهو حال الدنيا