[منار على]

ولا كله كوم واللى داخل يسال عن مين يجيب حق ولاد اخته اللى كانوا عايشين طول العام فى الغردقه وبقوا ياحرام بيقعدوا فى البيت يومين تلاته ؟؟؟؟؟؟؟؟؟؟؟؟؟؟؟؟؟؟؟
هو احنا وصل بينا الحال واحساسنا بنفسنا للدرجه دى ؟ نظرتنا للامور بقت محدوده بالشكل دا ؟ طب مسالتش نفسك سيادتك مين يجيب حق الملايين اللى واخدين شهادات عليا ومرميين فى الشوارع شغالين اى حاجه او سابوها ومشيوا ؟ مسالتش نفسك مين يجيب حق نص البلد اللى مش لاقيين ياكلوا وبينداسوا كل يوم بالجزم من اللى يسوى واللى ميسواش عشان لقمه العيش وفيهم اللى بيشحتوا فى الشوارع؟ مسالتش نفسك مين يجيب حق المدفونين بالحيا فى البلد دى وكانهم مش عايشين ؟ مين يجيب حقناا من اللى سرقونا وخربوها وابتدوا يطلعوا واحد ورا التانى دلوقت ويطلعوا للشعب لسانهم ؟ مين يجيب حق الشهدا اللى راحوا وملهمش زمب وفين حق اهاليهم ؟ مين يجيب حق الابريا اللى مرميين فى السجون وتنتهك ادميتهم ؟ مين يجيب حق الشباب اللى ضاع مستقبلهم ؟ انت لو بتحس بغيرك مكنتش دخلت سالت مين يجيب حق ولاد اختى اللى كانوا مقضينها طول الصيف فى الغردقه وتسيب كل دول