اللغة مش قواعد وكده مرة فى مرة هتتعود ع المزاكرة بالانجلش المهم اشتريلك قاموس طبي كويس انا معايا القاموس الوجيز للدكتور فوزى جاب الله ده كويس جدا اشتريه
بالسبة للمصطلحات زى اجزاء الجزء والمواد اللى فى الدم وكده دى مترجمهاش خالص هتستفاد ايه يعنى لا تترجمها احفظها بالانجلش
بالنسبة للمزاكرة فاه طبعا انت فى طب لازم تزاكر أول بأول ومتراكمش عليك حاجة عشان الموضوع ميبقاش تقيل عليك
اول شهر فى الكلية بيبقا اصعب وارخم شهر هتشوفو طول السبع سنين وده لأن الكلية بتبقا شئ جديد عليك والكميات كبيرة واللغة طبعا والريتم كلو مختلف فهتحس برخامة
احسن حاجة عشان تعدى مرحلة التعرف ع الكلية دى انك تزاكر فى اول شهر ده جامد جدا عشان بعد كده تبقا اخدت ع الكلية خلاص
طريقة المزاكرة تبقا منظمة يعنى متقعدش تحفظ كل حاجة وخلاص الاول تفهم الكلام من الدكتور طبعا فى المحاضرة او ف الكورس او من التسجيل (فيه اكتر من مصدر للشرح ف الكلية ) ومتحاولش تقعد تفهم فى نفسك اللى انت مش فاهمة اسأل فيه الدكتور ومتتكسفش انما متقعدش تضيع وقت فى انك تفهم نفسك معلومة كده انت هتضيع وقت كبير جدا وهتلاقي نفسك مأنجزتش حاجة فى المزاكرة اى حاجة مش فاهمها اسأل فيها المعيد ف السكشن او الدكتور ف المحاضرة بعد ماتفهم احفظ بقا العناوين ال headlines الرئيسية فى الشابتر اهم اهم حااااااجة هى العناوين دى الشرح نفسه زاكره بس مش حفظ اوى المهم تحفظ اسكيمة الموضوع ككل عشان يبقا متبرمج فى الكتاب
يعنى مثلا مادة زى الفسيولوى اهم حاجة فيها العناوين امسك كل شابتر وحدد العناوين بتاعته واحفظها الاول وبعدين زاكر الكلام اللى تحتها
مادة زى البايو هتحتاج تعمل فيها تحشيشات تسهل الحفظ هى اصلا مادة حفظ بس لازم تحشش اللى هتحفظه ومعنى انك تحشش يعنى مثلا فى عنوان تحته حوالى 10 اسامى ومطلوب منك تكون حافظهم وفيه كتير بقا من كده فانت هتاخد مثلا اول حرف من كل كلمة وتعمل كلمة من دماغك تجمع الحروف دى بحيث تسهل عملية الاستذكار او انك تميز كل كلمة بكلمة مشابهة فكاهية مثلا زى مثلا فى الاناتومى عضم ال wrist jont in hand.
1-scaphoid
2-lunate
3-triquetral
4-pisiform
5-trapezium
6-trapezoid
7-capetate
8-hamate
دول مثلا 8 اسماء لعضم الريست هياخدو وقت طبعا فى انك تحفظهم خاصة انك لازم تحفظهم بالترتيب لأنها مترتبة فى صفين من ناحية ال lateral to medial
تحشيشة زى دى تسهل الحفظ (سعاد لازم تلعب بوكر تكسب تخسر كله هلس )
فالمناهج بالزات البايو والهستو والاناتومى افضل حاجة فيها انك تشغل مخك وتعمل تحشيشات كتير وتحفظها وكده
ممممممممممم
طبعا لما هتدخل الدراسة ان شاء الله الدكاترة هيعطوكو نصايح كتير يعنى وكل كلية بتختلف حسب نظامها ومناهجها
المهم انت تجتهد وتتعمل اللى عليك وخلاص
ربنا يوفقك