اقتباس:
المشاركة الأصلية كتبت بواسطة ابانوب ايليا
اهلا بكم جميعا
دلوقتى انا وبعد ان تم الحكم عليا بالاعدام لدخولى كلية الطب عاوز اسأل اسألة بسيطة
هل طالب الطب بيكون من الكلية للكتاب ومن الكتاب للكلية؟ مفيش ترفيه؟ 
انا لو ذاكرت بنفس طريقة الثانوية العامة ....هجيب تقديرات قد ايه؟
السؤال التانى والمهم بقى؟ انا مش قوى فى الأنجلش وللأسف المناهج فى طب فى الانجلش
انا ناقص فيه درجتين السنة دى
احل مشكلة اللغة ازاى؟ 
هل هتأقلم مع الوضع فى الكلية ولاانا لازم احسن لغتى اكتر؟ |
الاول مبروك ولا اعدام ولا حاجة الموضوع ابسط من كدة بس كل الفكرة علي قد ما هيكون مجهودك في الطريق الصح علي قد ما هبقي تقديرك مهم قوي انك تركز في كل حاجة خاصة في المحاضرات والسكاشن درب نفسك تتعلم تركز في كل كلمة الدكتور بيقولها خاصة لما يقول ده مهم ده ممكن تتسال فيه شفوي كدة يعني
من دلوقتي حدد انت عايز ايه بالظبط من الكلية عايز تنجح وخلاص ولا تجيب جيد ولا ترتب انت اللي هتحدد المجهود قد مجهود ثانوي او اكتر شوية يعني لو كنت بتذاكر كتير في ثانوي وهتذاكر بنفس القدر يبقي هتجيب تقدير ان شاء الله
في الاول طبعا هيبقي الموضوع صعب وهتدايق وتحس انك مش فاهم حاجة امسك القاموس وترجم الكلمات الانجليزي العادية علشان تفهم سياق الكلام بس الاسماء احفظها زي ماهي
اختلط بالطلبة اللي تحسهم فاهمين الدنيا ماشية ازاي واستفيد منهم ابعد عن اي حد يحبطك او يأثر عليك في شوية حاجات كدة هتشتريها وتسجيلات هتجيبها ماتشغلش بالك بيها دلوقتي لما تدخل الكلية ان شاء الله ابقي جيبها