اقتباس:
المشاركة الأصلية كتبت بواسطة Mohamed_Hamza
ممكن الفيسبوك بتاع حضرتك ؟
|
اوي اوي
اهوه
بس ابقي ابعتلي مسج قولي انك من موقع ثانوية ..
اقتباس:
المشاركة الأصلية كتبت بواسطة معتز احمد محمد
الحمد لله كويسين انا عندى مشكلة ممكن حضرتك تقولى ازاى انجز بسرعة ياعنى ازاى امشي على تقسيم الوقت ياعنى مثلا بستغرق فى الدرس وقت كتير بالحل مع انى فى اليوم بنوى اذاكر مثلا 3 مواد مبكملهمش بس الحمد لله ببقي فاهم الدرس لكن الوقت معايا بيبقي ضايع شوية وكمان انا قلقى عشان كل مدرس بيقول ان كتي بيتظلموا فى التصحيح على الرغم من ان بعض اجابتهم صح فده بياثر على بحس انى مضطرب شوية فتحصيلي يقل شوية وبحس فكدة ممكن حل وشكرا ..
|
مممممممممم
انا هقولك .. انت تقول مثلا هذاكر تلت مواد وتشوف الوقت اللي معاك
وتدي لكل حاجه وقت معقول قبل متبدء
ولما الوقت بتاع الماده يخلص سبها .. وروح للماده التانيه .. ولما وقتها يخلص وروح للتالته
وبعدين لو محتاج ترجعلهم تاني ( واكيد هتحتاج ) ارجعلهم مفيش اي مشاكل
موضوع ان في ناس بتتظلم في التصحيح اه في ناس بتتظلم في التصحيح
تجنبا لاي مشاكل في التصحيح التزم بكتاب المدرسه وخلي الاجابه اللي هتكتبها
هي الاجابه اللي تنزل في نموذج الاجابه .. وساعتها مش هتتظلم في التصحيح ان شاء الله
متاخدش السنه علي اعصابك خليك لااارج خالص وربنا هيكرمك
ومش ضروري تسمع كلامي فوق بخصوص تقسيم المواد
لاني واثق % ان مع الوقت هتكتشف طريقه مناسبه ليك وهتمشي بيها
مفيش اي حد بيعرف يزاكر زي التاني
وعلشان اطمنك بس
عمري منظمت وقتي في الثانوي خالص وكنت بذاكر كده ببركتها عادي
بس لما بيكون وريا حاجه لازم تخلص بخلصها وكنت بزنق نفسي كتير
.. اهدي كده وخليك واد راااااااسي :D
اقتباس:
المشاركة الأصلية كتبت بواسطة Nourhan_nono
انا عايزة اسألك سؤال
هو مهم اوى نجيب كذا كتاب فى الفرنساوى
اصل انا المستر عاملنا كتاب و انا بصراحة شايفه شامل و كويس
تفتكر لو جبت جانبه كتاب او كتابين هبقى بضايع وقت فى حاجة سهلة
صح ؟؟؟؟ ولا انا غلط ؟؟؟؟ 
اصل انا مترددة فى انى اكتفى بالكتاب بس
ساعات اقول الفرنساوى سهل و مش محتاج كتب كثير و انى اوفر الوقت دة للفيزياء او المواد العلمية احسن
و فى نفس الوقت خايفة استهون بيه او مش اديله حقه للعلم انى مذاكرتى ليه من كتاب المستر بحفظ الكلمات و افهم الجرامر و فيه اسئلة بحلها عليه
كدة كفاية ولا اية ؟؟؟
انا بفكر انى اكتفى بكتاب المستر و فى الاخر اجيب كتاب او كتابين مراجعة نهائية |
لا مش مهم تجيبي كتب كتير في الفرنساوي
المهم تحلي كتير مع المستر والواجبات
والفرنساوي امتحانه اخر السنه بيجي تافهه بصراحه .. بس بيحتاج تركيز في الصح وغلط بتاع الوثيقه
واتقان للتعبير .
ومع الحل الكتير .. هتلاقي نفسك بقيتي توب فيه من غير اي كتب
عايز اقولك اني كنت حمار في الفرنساوي
ومستويا مستوي طالب عادي خالص ومش متميز فيه ولا حاجه
وجبت 40 عادي وكنت شغال من جينيال
متشغليش بالك بيه
اهم حاجه ركزي في المحلوظان الللي المسيو بتاعك بيقولها وينبه عليها وركزي مع تصريف الافعال المستخبيه تحسبا للامر مش اكتر
وطمنوا خالص والله الامتحانات بتكون مااااااااااايه خالص
وانا قريت كومنتك بتاع الفزياء
متقلقيش منها
والتدريب الكتر حلو مش وحش
هو قصل الكهربيه ده غريب الناس كلها بتتعقد منه في الاول بعدين بيكون اسهل فصل بالسنبالهم بعد التدريب والفهم الكويس
متقلقووووووووووووووووووووووووش
ربنا معاكم