[أ/رضا عطيه]

قضيتوها بلا اجتماعات ولامؤتمرات واكتفيتوا باللكلكة فى الإعلام والفضائيات
اشربوا واسقونا معاكم وماتنسوا تعلقوا فشلكم كالعادة ع النظام والحكومات

قضيتوها يسقط حكم العسكر طب استعدو لفضيحة المنشر

مع الملابس الخارجية وال----- والذى منه فى البلكونات

يا أحزاب نصها فاترينات والنص التانى باشوات وبهوات وأفنديات
مع شوية بهرات من شركاء الوطن وعليهم شوية عطور سيدات


لم تصلوا حتى لفكر العنكبوت
رغم علمه بهوان سكنه
لكنه يعاود كى لايموت

عايزين 700سنة كمان لحد ماتتعلموا من أخطائكم

ياريت رؤساء الأحزاب يعملوا تغيير مسمى وظيفى حالا من ناشط سياسى لناشط خيرى أفضل لكم وسيبوها للشباب
تقدروا ؟

أتحدى لو تنازلوا ؟
ومش بعيد يقولوا الحكومة اللى رفضه هذا التنازل !!!!!!!!!!!!!

(هو الباشا عمره نزل للوسية وقعد وسط فلاحينه وعماله ولا كان الفلاحين والعمال هما اللى بيتشحنوا فى ترحيله ليستقبلوا الباشا داخل مقره)

للأسف هو دا فكر معظم أحزاب مصر
90حزب ويبدو أن الشعب سيضطر للاستعانة بالتالف والمستهلك لأن الجديد والمستجد نايم فى العسل