اقتباس:
المشاركة الأصلية كتبت بواسطة nourhan_nono
اولا انا مش بعرف ازاكر من كتاب المدرسة اطلاقااااااا
فبذاكر من كتاب الامتحان فى كل المواد
انا عندى مشكلة جامدة جدا و هى انى مش بعرف اكتب الاجابة بالظبط بكتب حسب فيهمى
و سمعت انى لو كتبت كلمة مختلفة بتعبيرى هنقص
الكلام دة صح ؟؟
انا نفسى تقولى و انت بتحل فى اى امتحان اجابتك كان شكلها اية ؟؟؟؟؟؟
يعنى كانت بتفتكر كل كلمة فى الكتاب اللى زاكرت منه و حريص انك تكتبها
بالذات فى اسئلة بتاعت اشرح و علل و كدة يعنى
|
ما كتاب الامتحان هو هو كتاب المدرسة بس الاختلاف في التنسيق
ولازم الاجابة تكون بالنص عشان في التصحيح بيعلموا طبقا لنموذج الاجابة ومش بيسيبوا حرف واحد .. لازم تحفظي الاجابة بالنص وتبعدي عن دماغك خالص عشان كده هتروحي في داهية و زي ما هي عشان متندميش في الاخر .. الثانوية العامة كلها معتمدمة علي الحفظ والدش .. احفظي وبعد ما تخلصي حفظ ... سمعي لنفسك شفوي .. واكتبي بعد كده بالورقة والقلم عشان تأكدي عليها .. وبالنسبة لانك تفتكري .. ده معتمد علي انك مدربة نفسك علي حل الامتحانات والتمارين اللي ف الكتب الخارجية ولا لا .. لو انتي بتحلي كتير من الكتب الخارجية .. هتلاقي ايدك شغالة ف الامتحان وبتكتب لوحديها ..
وبالنسبة للاجابة كنت بكتب كل سؤال في صفحة لوحديها واسيب سطر او سطرين بين كل سؤال واللي بعديه ...