[متعاقدون أزهريون]

السلام عليكم
بالنسبة للإخوة الزملاء اللى كانوا متعاقدين وتم تثبيتهم فى سنة 2012 وانا منهم
طبعا صدر قرار بالتثبيت وتم تعديل تاريخ القرار الى 29/11/2011
وبعد كدة جاء قرار بضم المدة بحيث يتم التعديل من 2011 الى تاريخ أول تعاقد بعد الضم

والجميع تقريبا تم تعديل بيان الحالة عنده واتكتب فى تاريخ "السريان" ببيان الحالة تاريخ 29/11/2011

السؤال هنا:
هل ضم المدة يحسب كأقدمية فى الدرجة أم فى المعاشات؟

الاستاذ أحمد الاسناوى بالفايسبوك شوفتله بوست كاتب فيه الاتى:

" بعدما احترنا ومعرفناش ان ضم المده التى قام الازهر بضمها لنا اقدميه فى الدرجة ولا المعاشات قمت بارسال استفسار عن ذلك الى قسم التسويات بالازهر وقام مشكورا بالرد على واخبرونى ان ضم المده اقدميه فى الدرجة الثالثه التخصصية وهذا هو نص ما تم الرد على به وشكرا لهم على الاهتمام والرد "

ومرفق هذه الصورة




طبعا الكلام ده معناه ان كل اللى كانوا متعاقدين من 2007 وتم ضم مدتهم على سبيل المثال لازم خلال سنة 2015 يتم ترقيتهم على الدرجة الثانية

السؤال هنا للإخوة الافاضل المعلمين الذين تم تثبيتهم
هانعمل ايه احنا فى الموضوع ده؟ وهل التفسير لكلامى ده مظبوط ولا انا فاهم غلط؟

أرجو الرد وبارك الله فيكم