لسة فاضل تيرم كامل
وحتى لو ذاكرت كان زمانك نسيت
فى فرصة جوهرية وهى أجازة نص السنة لو تعرف حاول على قد ما تقدر تمنع الدروس فى الأجازة أو تقللها لأقل قدر ممكن والعربى معظمه حفظ يعنى مش عايز مذاكرة جامدة زى غيره من المواد بس لازم تديه اهتمام جامد لأن عليه 80 درجة وبيتنسى بسهولة
ممكن تقسم المنهج على الأسبوعين بتوع الأجازة يعنى مثلا عندك 6 مدارس أدب ومقال وقصة قصيرة و رواية ومسرحية ممكن تقضى الأجازة فى ال6 مدارس بس بحيث ان كل مدرسة تاخد يومين وبقية الأدب ممكن تأجله لبعد الأجازة
هترتاح نفسيا لما تحس انك خلصت القدر ده
وأكيد كل مدرسة معاها النص بتاعها
لو قدرت تقسم معاها القصة والقراءة بنفس الأسلوب هتقدر تخلص المنهج فى الأجازة
بس طبعا فى ست مواد تانيين مش لازم تضغط على نفسك جامد ... وبالأخص انها أول مذاكرة .... بلاش تسهى عن المواد التانية وتخلى مذاكرتك للعربى تيجى على حساب بقية المواد ... وطبعا مع مراعاة المراجعة المستمرة .... ولو عرفت تقسم بقية المناهج كمان كدة بحيث ان انت تكون مخلص تماما بعد الأجازة ..... ده على حسب مقدرتك ...... مش لازم تعمل كل ده ... بس على الأقل بالنسبة للعربى حاول تكون مخلص نصوص وأدب .... فعلا هترتاح جدا وهتحس انك عملت حاجة وهتتشجع أكتر ..... بالنسبة للقراءة والقصة سهل يتلموا .... بس الأدب لازم يتذاكر بضمير وباستمرار ... لأنه ممكن يضيع لك كام درجة فى سؤال من بين السطور .... فلازم يكون لهم اهتمام خاص ..... بالنسبة للنحو والبلاغة .... عايزين حل كتير وطبعا بعد معرفة القواعد الأساسية ... وفى بعض الكتب والمذكرات بتكون جايبة كيف تجيب على سؤال البلاغة ... دى مفيدة برضه
بس متخليش العربى تانى ييجى على حساب بقية المواد علشان متلاقيش نفسك ذاكرت عربى ونسيت الباقى ... وممكن تسمع لنفسك بالكتابة ... وتحل الأسئلة ومتستهيفهاش وتقول حل شفوى ...لأن أول ما تكتب هتلاقى حاجات منسية
وعادى طلبة كتير لسة مفتحتش مناهج .... أنا لسة فاتحة العربى من فترة قريبة جدا ... بس الحمدلله بالتكرار والمراجعة المستمرة بدأ يتحسن ... وأنا إن شاء الله ناوية أعمل كدة فى الأجازة
__________________
كلية الطب البشرى_جامعة الإسكندرية
دفعة2015-2022
تذكرنى بدعوة
|