دموع البنت ..
مبتعرفش تترتتب
بتنزل منها عشوائى
ولو دققت هتلاقى ..
وجع مركون بقاله كتير...
و جرح قديم ..
وحب بجد ..
دموع البنت لو نزلت
بتنزل واخده دايما حد ..
نزل من عينها و خسرها ..
يا اما عشان عِرف غيرها ..
يا إما لإنه معرفهاش ..
و معرفش انها حبّاه ..
لا منها لغيره دلوقتى ..
ولا بتقدر تقول وياه ..
وضحك البنت مش معناه
بإن البنت ناسيه الحزن
و ناسيه الخوف من الأيام
و عارفه تعيش و عارفه تنام
لإن البنت يا ساده ..
هتفضل برضه كالعاده
سؤال و علامة إستفهام ؟!