اولا احييكى يا اخت لوجين على اقتراحك المتميز
ثانيا هاحكيلكم موقف طريف حصل معايا فى المدرسة الابتدائى التى اعمل بها
انا مدرس تربية رياضية وكنت داخل حصة احتياطى فى سنة رابعة وقلت عشان الوقت يعدى والعيال مايوجعوش دماغى قلت اسألهم شوية اسئلة دينية وقلتلهم اللى هايجاوب على اى سؤال هاديله جنيه .
فقلتلهم يا ولاد من الذى اطلق عليه سيدنا محمد صلى الله عليه وسلم لقب سيف الله المسلول
وبدأت الاجابات تناهل على طمعا فى المكافئة.... سيدنا عمر .. سيدنا ابوبكر .. سيدنا عثمان .. سيدنا حمزة ......
وفؤجئت بأحد الطلاب يقف ليقول لى سيدنا ابو لهب
قولت له سيدنا مين ياض .. ابو لهب ؟؟ الله يخرب بيتك والبيت اللى جنب بيتك هوا ابو لهب كمان بقى سيدنا .. ولم اتمالك نفسى من الضحك حتى نهاية الحصة .
على فكرة اجابة السؤال هى سيدنا خالد بن الوليد .. أحسن حد يفكر انها سيدنا ابو جهل .
|