السلام عليكم ورحمة الله وبركاته
انا كتبت خاطره كدا وعايز اعرف رايكوا فيها
*_*_*_*_*_*_*_*_*_*_*_*_*_*_*_*_*
طول عمري وانا حاسس
ان في حاجه ضايعه مني
قولت يمكن تكون في المكان
دورت ورحت كل مكان
لقيت نفس احساس الضياع
قولت يمكن الاقيها مع الزمان
راح عليا الزمان وجه
وانا لسه حاسس بالضياع
فكرت يمكن تكون مع انسان
ولقيت تفس احساس الضياع
اكتشفت في الاخر
اني عامل زي اللي ماسك
المياه في ايده و عطشان
وفي الاخر لقيت اللي ضايع مني
وشربت وارتويت
اكتشف حب ربي
موجود داخل قلبي
وشربت منه وحسيت احساس
غريب بس جميل ومليان نشوه
مش قادر ابعد عنه ومش عايز ابطل عطش
بحبك يارب وبقولها بكل جراءة
وهخاف من ايه
دا انا بحب الله
حبي ليك ملا قلبي
و اغناني عن اي حب تاني
هو بعد حب الرب حب ؟!
*_*_*_*_*_*_*_*_*_*_*_*_*_*_*_*_*_*_*
بقلمي
ويارب تعجبكوا