اقتباس:
المشاركة الأصلية كتبت بواسطة *sara ahmed*
عندى سؤال
دلوقتى انا ازهر
يعنى عندى شرعى وعربى وعلمى ورياضة
بالنسبة للشرعى والعربى
تقريبا واخدين حقهم مذاكرة ومراجعة
وممكن نقول تمااام
الرياضة عندى فيها مشكلة
خلصت بس التفاضل والجبر
ولسه الميكانيكا والهندسة
العلمى احياء تمام الى حد ما
الفيزياء مقصره فيها فى جزئيات ماتذكرتش خالص
مع العلم انى الحمد لله بحب الفيزياء ومش بينى وبينها مشكلة
الكيمياء ذاكرتها بس لكن مارجعتش ولا مرة عليها غير الباب الاول مرة
الانجليزى مش عارفه اسس كتابة البراجراف
فى وحدات راجعت عليها اكتر من مرة
وفى وحدات ذاكرتها بس
واثناء المذاكرة حليت من مذكرة وكتاب
ولسه ماحليتش اى مراجعة نهائية
حاليا احنا بنشطب فى المواد
كده انا تقريبا اتكلمت عن حالى مع المواد كلها
المفروض بقى دلوقتى بداية من شهر ٣ اعمل ايه واقسم وقتى بين ايه
ابدا اجيب المناهج جزئيات
ولا اركز ع الفيزيا الاول اخلصها
ولا استنى لحد ما نخلص المناهج
ولما اراجع اجيب العلمى كله
فى اد ايه كده نظرى بس من غير حل
؟؟؟
|
السلام عليكم ورحمة الله وبركاته
هنبدأ بالفيزيا ، ومن أول يوم تقرأ فيه تعليقي دا
إزاي بقي تبدأ .. انت تشوف الحاجات اللي مذاكرتهاش خالص ، وليكن ( الأجهزة في الحث أو مثلا الباب الأول حديثة أو أي حاجة )
هتبدأ تجيب الحاجة اللي فايتاك دي في يوم ( طبعاً أنا قللت الفترة عشان انت أكيد واخد فكرة عنهم بس مش متذاكرين ) و تأجل الحل شوية وهكذا مع الفيزيا لحد ما تخلص الحاجات اللي فايتاك فيها .. قول هتاخد منك 4 أيام مثلا بس اتقن الحاجة اللي انت هتذاكرها بحيث تكون قضيت ع الحاجات اللي مذاكرتهاش ف الأربع أيام دول .
ودا مش معناه إنك بعيد عن المواد التانية ( لكن أغلبية الوقت للفيزيا + حجات خفيفة أوي م المواد التانية )
وبعد الأربع أيام دول : تدخل علي الميكانيكا مثلا وتظبتها بنفس الطريقة ف عدد أيام محدد حسب الحاجات اللي مش متظبته بس مش تمد ف الأيام . وهكذا مع الهندسة ..
قول الكلام دا كله هياخد منك أسبوعين مثلا / هتكون محصلتك بعد الأسبوعين ( الفيزيا اكتملت مذاكرة الحمد لله والرياضة اكتملت مذاكرة الحمد لله )
تبدأ تفكر ف المراجعة
هتبدأ بأكتر مادة انت نسيتها أو أكتر مادة تقيلة ع قلبك بمعني أصح عشان تخلص منها بدري وتاخد وقتها وتلحق تراجعها كمان مرة إن شاء الله + في وقت مراجعتها حل فيزيا بليل أو حل رياضة أو حل حتي أحياء يعني افتح أي مادة تاانية حل بس ولو ساعة ونص بليل ولا حاجة
مع الملاحظة إن أكتر مادة مهما تاخد وقت مراجعة ( مش تستغرق أكتر من أسبوع لأنك هتراجعها كمان مرة إن شاء الله )
مش تشغل بالك بالحل ( لأنك إن شاء الله لما تمسك مثلا الأحياء بتراجعها م الصبح : الساعة 10 بليل مثلا ) تقعد مع نفسك ساعتين حل فيزيا تروايح يعني وهكذا وهتلاقي نفسك حليت ف كل المواد
أرجو أن أكون وُفقت وأفدتك
أرجو الدعاء لي بالمغفرة ..