اقتباس:
المشاركة الأصلية كتبت بواسطة Esraaesooo
انا في 2 ثانوي عام .  . بحب كل المواد بس الانجليزي  مش اوي . علشان بغلط فيه كتير وفي والكلمات بحفظها وانساها تاني .... يعني الترم اللي فات نقصه في درجتين كاملين . بجد حد يساعدني مستوايا فالانجليزي دا مش هينفع في ثانوي عام. ممكن مساعدتكم ربنا يخليكم  |
هتبدأ ف الانجليزي بعد أجازة آخر السنة بأسبوعين كدا .. :
1- بإنك تقرأي القصة بتاعته قراءة خفيفة ولو كلمة وقفت عليك ترجميها من جوجل بحيث معناها يوصل لعقلك بس مش أكتر .. يعني كل يوم قبل ما تنامي كدا ساعة ونص أو ساعتين ( حدوته قبل الليل يعني ) .. وهتكوني جمعتي محصلة كلمات ولو قليلة منها + خدتي فكرا عن القصة هتساعدك جدا ق الثانوية .. ( مش تستغرق منك أكتر من أسبوع قراءة ) .
2- تبدأي تراجعي ع كلمات سنة تانية ثانوي من أي ملخص خارجي + االكلمات اللي قبل الترجمة لأن أغلب كلمات تالتة ثانوي مكررة من تانية والكلمات اللي تحسي انها صعبة أو غريبة علميها بقلم فسفور .. عشان لما يكون عليك امتحان بدل ما تراجعي الكلمات كلها تراجعي الكلمات اللي انتي معلمة عليها بس . ( هتستغرق منك أسبوع )
3 - القواعد بتاع تانية ثانوي نفس النظام .. بعد الكلمات . وحدة وحدة بتوع تانية ثانوي ( لإن أغلب تالتة ثانوي مكرر + حاجات خفيفة وأفكار جديدة ) ... هتستغرق منك أسبوع بس بإتقان طبعا .
كدا هتكوني قضيتي علي منهج تانية ثانوي انجليزي ف 3 أسابيع ومعلوماتك حلوة جداا للدخول ف تالتة ثانوي ..
والله بقي لو عاوزة بعدها .. تقضي علي رهبتك من انجليزي ثالثة ثانوي ( ابقي اشتري ملخصات حل كتير أهم حاجة ف الانجليزي الحل وأي حاجة صعبة علمي عليها بقلم فسفور عشان آخر السنة تقرأيهم كلهم وتكون كل الأفكار ف دماغك يعني مثلا The Best .. Top Students )
أتمني أكون أفدت حضرتك لو بجملة