[Only Forward]

المشاركة الأصلية كتبت بواسطة طالبه فى ثانوى عام

معلش يادكتوره هزعجك انا احتمال اسافر بر مصر
انا اهلى عيشين بره فى عمان وانا الوحيده لى هنا علشان انا السنه الجاى هكون ثالثه ثانوى
وطبعا انا زهقت من. القاعده هنا لوحدى
ومع الاصرار والتحايل على اهلى
وافقه بس المشكله انهم غيره المناهج للسنه ديه للصعب
وغير كده اهلى قالوا انتى حره ده مستقبلك
ومش عارفه اعمل ايه انا تعبت من التفكير
انا عارفه نظام المعادله والقدرات ديه
وان التنسيق بتاع المغتربين عالى اوى
ياريت تردى عليا

مفيش ازعاج او حاجة
احنا اخوات

شوفى , انا مقدرة شعورك و عارفة ان الغربة وحشة جداا
انا ف نفسك موقفك و بعيد عن اهلى برضه
بس تعالى نحسبها بالعقل
1- دى سنه واحدة بس و هتعدى و مش هيبقي فيه تانى
2- التنسيق بيقي عااااالى اوووى و المعظم اللى بيكونوا جايبين مجاميع عالية مش بيلحقوا حاجة
3- المناهج بقيت صعبة و اصعب من االاول كمان
أهلك معاهم حق , ان ده مستقبلك و هما سابوا حرية القرار ليكٍ
انتى اختارى و وازنى بين الاختيارين و ان شاء الله تختارى الصح

من وجهه نظرى انا , خليكى ف مصر و قضى السنه و استحملى ( ان الله مع الصابرين )
و سنه هتعدى بالطول و العرض و تبقي معاهم علطول
بس لازم تجتهدى و تحققي حلمك و تخلي اهلك فخورين بيكٍ
انا بقولك افضلى ف مصر , مش لانها حلوة و المناهج سهلة و الغربة حلوة و الكلام الفاضي ده كله ....
انا بقولك كده لان التنسيق بيبقي عااالى و المعادلات صعبة
و المناهج بتتغير للأسوأ ..
هى سنه هتعدى بأى شكل و أى حال , اصبرى و قضيها و اجتهدى
و اتعبي السنه دى و حققى لنفسك مستوى عالى عشان تبقي معاهم باقى العمر و هما رافعين راسهم ان بنتهم الأفضل

و كمان انتى مش لوحدك , احنا كلنا معاكى هنا
و لو احتاجتى اى حاجة ف اى وقت , تحت امرك

مش تنسي تصلى صلاة استخارة و اللى فيه الخير , ربك يوفقك ليه