الحمد لله الله الموفق فى كل حال
انا بقى حكايتى حكاية
انا كنت جايب فى تانية 98%
وحصلتلى ظروف فى تالتة وماكنتش عايز ادخل الامتحانات وفضلت فى العملية دى شهرين و نصف غير منتظم فى الدروس يعنى قاطع من الدروس و سا فرت و سبت بلدى وكانت نهاية المطاف البحر الاحمر وبجد انا قبلت واحدة بنت حلال فى منزلة ستى رجعتنا لعقلى
ورجعت بلدى مصمم انى اذاكر وادخل الامتحانات والعجب انه كان باقى 8 ايام قبل الامتحانات منهم ايام العربى طيب هذاكر فيهم اية
قررت انى اذاكر فيزياء و رياضيات 2 وبقية المواد اتركتها لحين الامتحانات
وحدث العكس بعد ان كان اهلى و اقاربى يرفضون امتناعى عن الامتحانات مازالوا يرفضواااااااااااااااا دخولى الامتحانات
و الله العظيم وبحلف بالله ماعرفش انا قدرت اذاكر الفيزياء و الرياضيات 2 وكان فى حاجات كنت بذاكرها لاول مرة
وكل ده حصل فى 7 ايام و تبقى يوم للعربى فبعون الله ربنا قدرنى انى اكمل امتحاناتى رغم صعوبتها ورغم ظروفى اللى انا كنت فيها ورغم ان فى زمايلى واصحابى امتنعوا عن تكملة الامتحانات بعد التفاضل و التكامل
والحمد لله قدرت انى اجيب فى تالتة 95% وكل ده كان بفضل من ربنا
الحمد لله قدرت فى الفيزياء انى احل المسائل الصعبة اللى كانت فى الامتحان كلها و المدرسين بتوعى زوهلوا من انى حليت المسائل و الاسئلة التركيبية الصعبة كلها و غلط فى معظم اسئلة علل
ودا حصل لانى كنت معتمد فى مذاكرتى الاخيرة على انى افهم اكتر من انى احفظ
ومرت الايام وتتوالى الامتحانات وتتوالى الشكاوى
وجاءت ليلة امتحان الاقتصاد و الاحصاء
انا كنت ضايع فى الاقتصاد و الاحصاء ماحضرتش فيها ولا حصة فى الدرس لانها كانت فى اخر السنة الفترة اللى كنت فيها قاعد من الدروس
بدات بالاحصاء عرفت ان ما فيهاش الا حفظ قوانين ونطبق عليها وعرفت الكلام ده من نفسى ما سمعتوش من حد
وبدات فى الاقتصاد الساعة11 مساء ليلة الامتحان وقريت المنهج كلة
و الحمد لله و بعون الله وبدعوات ابى وامى جبت فيها 50فى المادة
اما الفيزياء جبت فيها 44 و الرياضيات 45.5 الدرجات دى قليلة على طالب كان بيذاكر من اول السنة بس انتم عرفتم ظروفى
و الدرجة اللى انا جبتها كان بسبب تعب ابى وامى معايا
وبجد انا بقولكم الكلام ده لحاجة.............
انك لما بتبقى فاقد الامل ارجع لربنا واستعين بمشورة الاخرين و الكلام ده مش هتفهموه الا لما تتحطوا فى ظروف زى اللى انا مريت بيها
وكمان ان ارادتك ممكن تتغلب على اى حاجة فى الدنيا المهم اللى جواك ايه
ييا ريت تكونوا اخذتوا كلامى و فهمتوه
ومعلش انى طولت عليكم
يا ريت ما حدش يسخر من كلامى واطالتى ويقول انه بيحكى قصة حياته
يا ريت تفهمونى انا عايز اوصلكم ايه
|